Afhending upplýsinga um heilsufarshagsmuni þjóðarinnar á styrjaldartímum til einkafyrirtækis yrði væntanlega flokkuð undir landráð.

Nokkur hundruð milljónir króna, sennilega 700 milljónir, hafa horfið í Panama á vegum deCode Genetics, bandaríska fyrirtækisins, sem á og rekur Íslenzka erfðagreiningu og hefur fengið heimild alþingis Íslendinga til að veðsetja börn okkar og barnabörn fyrir stjarnfræðilegum fjárhæðum.

Algengt er, að fjölþjóðafyrirtæki sendi peninga út og suður til að komast hjá skyldum við þjóðfélagið eða til að hygla forstjórum eða til að liðka fyrir sérstökum fyrirgreiðslum á borð við þá, er alþingi Íslendinga vildi láta veðsetja börn okkar og barnabörn fyrir stjarnfræðilegum fjárhæðum.

Hins vegar fór Kári Stefánsson klaufalegar að tilfærslunni en fyrirmyndir hans úti í heimi.

Þeir passa dagsetningar í skjölum, en Biotek var ekki stofnað fyrr en hálfum mánuði eftir að deCode Genetics undirritaði samninginn við lánardrottna, sem Biotek fékk borgað fyrir að annast.

Samkvæmt skriflegum heimildum fékk Biotek þessa miklu peninga fyrir að annast milligöngu um samninga við íslenzka lánadrottna. Þeir kannast ekki við að hafa heyrt þetta fyrirtæki nefnt og ljósmyndir sýna, að það var forstjóri deCode, sem undirritaði samningana, það er Kári Stefánsson. Ekki er vitað, hvort hann undirritaði þá fyrir hönd deCode Genetics eða hins ófædda Biotek, sem fékk aurana fyrir milligönguna.

Enginn veit, hvers vegna ófætt fyrirtæki fékk svona mikla peninga, hver átti fyrirtækið og hvers vegna það gufaði síðan upp í Panama, sem er heimsfrægt skálkaskjól.

Kári Stefánsson neitar að hafa sjálfur fengið krónu út úr þessum undarlegu viðskiptum. En það er marklaust að berja sér á brjóst, þegar menn neita að skýra dularfullt misræmi í upplýsingum, þar á meðal í skráningu af hálfu deCode á Nasdaq-markaðinum, sem hlýtur að teljast alvarlegt mál.

Einkar athyglisvert er, að lítið hefur verið fjallað um mál þetta í fjölmiðlum landsins, öðrum en DV, og ekki á alþingi Íslendinga, sem heimilaði veðsetningu barna okkar og barnabarna fyrir stjarnfræðilegum upphæðum í þágu fyrirtækis, sem rambar á yzta jaðri áhættufjárfestingar.

Eðlilegt er, að sá aðili, sem vildi veðsetja börn okkar og barnabörn, hundskist til að láta kanna, hvers vegna fyrirtæki, sem ekki var til, fékk hundruð milljóna fyrir milligöngu í fjármálum og hvers vegna enginn fær að vita, hver átti þetta fyrirtæki og hvers vegna það hvarf sjónum.

Þetta minnir líka á, hversu brýnt er, að sett verði lög, sem tryggi gegnsæi í fjárhagslegum tengslum fyrirtækja annars vegar og stjórnmálaflokka og stjórnmálamanna hins vegar.

Jónas Kristjánsson

Verst þokkaða fyrirtæki heims er Monsanto. Líftæknifyrirtæki, sem hefur með mútum og lygum rutt sér til rúms um allan heim. Og sett þriðja heiminn á skuldaklafa.

Þekktasta fyrirtæki á Íslandi í líftækni var deCode sáluga.

Það lifði á linnulausu sjálfshóli Kára Stefánssonar.

Í svipaðan farveg fellur ORF Líftækni, sem lætur taka við sig dagblaðaviðtöl um uppfinningar sínar.

Í stað þess að birta þær í fræðiritum. Að tvennu þarf að gæta vel. Notendur þurfa að vita, hvað þeir fá í hendur.

Því þurfa öll erfðabreytt matvæli að vera merkt. Og hindra þarf, að erfðabreyttir akrar sái sér út í náttúruna.

Þegar Decode leit dagsins ljós var fólki talið trú um að enginn væri maður með mönnum nema að fjárfesta í Decode og gengu menn svo langt í því að reyna að fegra ímynd félagsins að fyrrverandi forseti lýðveldisins.

Vigdís Finnbogadóttir var meðal þeirra sem sett var í stjórn fyrirtækisins.

Í símatímanum hjá Arnþrúði Karlsdóttur í dag hringdi maður að nafni Valdimar þar sem hann rifjaði meðal annnars upp þegar fólk sem hafði misst heilu einbýlishúsin eftir að hafa fjárfest í fyrirtækinu, en Valdimar er einmitt einn þeirra sem fór illa út úr því að fjárfesta í fyrirtækinu.

Arnþrúður rakti meðal annars í þættinum þegar fór að halla undan fæti hjá Decode meðal annars vegna þess að Kári og Hannes Smárason týndu hinni svokölluðu Panamatösku sem innihélt gríðarlega fjármuni.

Þrátt fyrir þessar hrakfarir náðu Hannes og Kári að fjárfesta fyrir heilar 800 milljónir í Fjárfestingabanka atvinnulífsins sem stofnaður var árið 2000, þarna hafi Kári orðinn bankamaður.

Síðar var bankanum breytt yfir í Glitnibanka, þar sat Þorsteinn Már Baldvinsson forstjóri Samherja sem stjórnarformaður bankans. Á sama tíma og þetta á sér stað fer lítið fyrir Decode sem læðist meðfram veggjum og fólk tapaði aleigunni. Þá hafi Kári safnað upplýsingum um fólk í gegnum gagnagrunn á heilbrigðissviði, sem dæmdur var ólöglegur. Þarna hafi fyrirtækið verið komið í verulegar fjárþrengingar. Fyrirtækið hafi verið selt til Amgen sem sé lyfjarisi sem á PCR pinnana sem notaðir eru við skimun.

Nánar má hlusta á viðtalið í spilaranum hér að neðan þar sem hagsmunatengsl Decode eru rakin nánar.

Símatíminn: Saga Decode rifjuð upp – Fólk missti heilu einbýlishúsin