Heimsmarkmið Sameinuðu þjóðanna eru nýju Nasistamerkin og mikil blekking - mittval.is

Heimsmarkmið Sameinuðu þjóðanna eru nýju Nasistamerkin og mikil blekking

desember 14, 2023 - 5:52 e.h.

Ritað þann  af Ritstjórn Útvarps Sögu

Heimsmarkmið Sameinuðu þjóðanna eru lítið annað en nýju Nasistamerkin og þar liggur mikil blekking á bak við. Heimsmarkmiðin eru síðan tengd við ýmsar stofnanir sem síðan framfylgja þeim.

Um er að ræða stofnanir eins og World Ecconomic Forum, UNICEF og Sameinuðu þjóðirnar. Sameinuðu þjóðirnar fari síðan eftir svokölluðu tíu punkta reglum sem rithöfundurinn Alice Bailey setti fram á sínum tíma eða 1949.

Séu reglurnar skoðaðar komi ýmislegt áhugavert í ljós.

Þetta kom fram í máli Valgerðar Snæland Jónsdóttur og Leifs Árnasonar félagsmanna í mannréttindarsamtökunum Mín leið, mitt val í viðtali við Arnþrúði Karlsdóttur.

Taka Guð og bænina út úr menntun barna

Valgerður segir að fyrsta reglan sé sú að taka guð og bænina út úr menntun barna og það sé einmitt það sem gerst hafi hér á landi. Í reglu númer tvö sé að draga úr forræði foreldra yfir börnum sínum. Valgerður segir í því sambandi að hún hafi verið að skoða sögu stærðfræðikennslu á Íslandi og þá hafi komið ljós að upp úr 1974 hafi verið byrjað að klippa á að forldrar kæmu að stærðfræðinámi barna sinna. Síðan ef þetta er skoðað nánar þá sést að það sé alltaf verið meira og meira að taka fram fyrir hendurnar á foreldrum og nýjasta dæmið sé til dæmis hin umdeilda kynfræðsla.

Eyðileggja á hefðbundið fjölskyldumunstur

Þá segir Valgerður að þriðja reglan sé að eyðileggja eigi hefðbundið fjölskyldumynstur. Þá séu lögleiðingar fóstureyðinga að finna í fjórðu reglunni og í þeirri fimmtu að gera eigi skilnað auðveldan og einfaldan. Í þeirri sjöttu segir Valgerður að áhersla á að samkynheigð sé gerð að öðrum lífsstíl. Þá segir í þeirri sjöundu að samkvæmt reglunum þá eigi fólk að eyðileggja list vísvitandi og bendir Valgerður á að hér hafi verið ákveðið að fjarlægja styttu af séra Friðriki Friðrikssyni.

Fjölmiðlar notaðir til að blekkja

Regla númer átta hvetji til þess að fjölmiðlar séu notaðir til þess að kynna og breyta hugarfari fólks. Í því sambandi bendir Valgerður á að þegar Covid kom upp þá hafi þjóðin setið sem lömuð fyrir framan sjónvarpið að fylgjast með umræðu um útbreiðslu vírussins sem hafi aldrei fundist og aldrei greindur. Fjólmiðlar hafi nánast allir hlaupið eftir boðskap sóttvarnaryfirvalda og stjórnvalda án allrar gagnrýni. Einstaka fjölmiðlar hafi þó skorið sig úr og fengið bágt fyrir. Þá segir að gera eigi millitrúarhreyfingu án Guðs og segir Valgerður forvitnilegt að velta því aðeins fyrir sér í þessu sambandi.

Alþingi notað til að lögleiða blekkinguna

Þá er reglan númer tíu sem innrammar það sem sé að gerast núna en hún kveði á um að fá stjórnvöld til þess að gera þessa tíu punkta reglu að lögum og framfylgja þeim. Bendir Leifur á að þetta sé upptalning á nákvæmlega því sem fólk hafi séð raungerast undanfarin ár.

Hlusta má á þáttinn í spilaranum hér að neðan

Heimild:

Um höfund

Sigurlaug Ragnarsdóttir
Sigurlaug Ragnarsdóttir
✞༺(((( Ⓒilla ℜągnąℜṧ )))༻♚༺ BA Classical Art Historian || MA Culture & Media || Tourism & Sales Management || Web Design || Photo & Videographer for Tourism Magasins ༻
Sigurlaug Ragnarsdóttir
  • 525 Posts
  • 0 Comments
✞༺(((( Ⓒilla ℜągnąℜṧ )))༻♚༺ BA Classical Art Historian || MA Culture & Media || Tourism & Sales Management || Web Design || Photo & Videographer for Tourism Magasins ༻
http://www.mittval.is