Hagsmunatengsl Kára í Decode - mittval.is

Hagsmunatengsl Kára í Decode

nóvember 24, 2021 - 12:43 e.h.

Kári, einn helsti áhrifavaldurinn í íslensku þjóðlífi í dag, er varla hlutlaus hér, þar sem AstraZeneca og Amgen (fyrirtækið sem á deCode genetics, Inc.) eru í nánu samstarfi og hafa mikla sameiginlega hagsmuni varðandi að koma COVID-19 bóluefni á markaðinn, sem hugsanlega kemur til með að færa þeim á silfurfati hundruði milljarða í hagnað á skömmum tíma, fyrir eitthvað sem skattgreiðendur hafa greitt allan þróunarkostnað við. [1][2]

Hér er um týpíska kranablaðamennsku að ræða, þar sem í raun er verið að ljúga að okkur eða í besta falli gefa okkur hálfsannleik af sölumanni vörunnar sem um ræðir.

  • Það er svo sem ekkert við blaðamann Moggans að sakast, því þetta á við um langflestar fréttir sem við fáum um þetta, bæði hjá innlendum og útlendum fjölmiðlum, og ekki hjálpar Google við leit af sannleikanum, þvert á móti, enda fær fyrirtækið árlega hundruð milljarða í auglýsingatekjur frá lyfjafyrirtækjunum og svo vill til að móðurfyrirtækið Alphabet á tvö fyrirtæki sem þróa, framleiða og selja bóluefni (Calico og Verily). [3]
  • Þeir sem hafa kynnt sér sögu bóluefnaþróunar gegn kórónaveirum síðustu áratugi vita að það hefur aldrei tekist að búa til virkt eða hættulaust bólefni gegn þeim og ef við tölum um SARS-CoV(-1), rannsóknir sem fengu hundruði milljarða að gjöf frá skattgreiðendum, því þrátt fyrir að mótefni urðu til (eins og fréttirnar segja okkur um allar tilraunir í dag) þá lentu þær allar í blindgötu, þegar kom að því að smita tilraunadýrin með veirunni, í stuttu máli, þau dóu eða urðu fársjúk, bóluefnið reyndist miklu hættulegra en sjúkdómurinn sem þau áttu að vernda gegn. [4][5][6][7]

En víkjum aftur að bóluefninu sem AstraZeneca er að þróa með Oxford háskóla (m.a. fjármagnað af breskum og amerískum skattgreiðendum og Bill and Melinda Gates Foundation), sem Kári hefur tröllatrú á af einhverri ástæðu.

Þróunin, sem stýrt er af prófessornum Andrew Pollard [8], sem svo vill til er einnig helsti ráðgjafi breskra eftirlitsaðila í þessum efnum og formaður nefndar sem stýrir bólusetningaprógramminu fyrir almenning í Bretlandi (hagsmunaárekstrar virðast náttúrulögmál í þessum geira). Í örsmárri dýrarannsókn, sem gerð var áður en farið var í tilraunir með fólk, sýktust allir aparnir 5 af SARS-CoV-2 og voru smitandi, sem sagt bólefnið var verra en ekkert. [9][10]

Í upphafi var lofað að notast ætti við hinn gullna staðal í lyfjarannsóknum, þegar kæmi að tilraunum á fólki (sem reyndar ekkert bólefni á dagskránni í dag hefur farið í gegnum), þ.e. tvíblindar slembi-lyfleysu stýrðar rannsóknir.

Því var fljótlega breytt án skýringa, í einblinda og enga lyfleysu, samanburðarhópurinn fengi MenACWY, bólefni gegn meningókokkum, sem þekkt er fyrir að valda miklum aukaverkunum.

Mjög vel valin “lyfleysa” ef fegra þyrfti niðurstöðurnar.  Að auki var bætt við prótókólinn að allir í tilraunabóluefnishópnum fengju verkjalyf (paracetamol) til að slá á aukaverkanirnar.

Þrátt fyrir þessar tilfæringar, varð meirihlutinn af þeim heilsuhraustu einstaklingum á aldrinum 18-55 sem fengu tilraunabólefnið (ChAdOx1) veikir af því. [11]

Hvort einhver yrði fyrir langtíma áhrifum er að sjálfsögðu ómögulegt að segja og hvort það virki betur í fólki heldur en öpum er ekki heldur svarað, þar sem bannað er að smita fólk viljandi.

Að mínu áliti er ekkert trúverðugt við þessar rannsóknir og þeir sem ætla að treysta á bólefni sem töfralausn gegn þessari kvefveiru, ættu að fara hugsa sinn gang.

 

Þetta álit mitt byggir ekki aðeins á tilraunum með AstraZeneca/Oxford bóluefnið, t.d. hafa helstu stjórnendur Moderna, nr. 1 COVID-19 bóluefniskandidat bandarískra stjórnvalda, dömpað hlutabréfunum sínum, komið undan rúmlega 12 milljörðum í sína eigin vasa, þrátt fyrir allar glansfréttirnar af árangursríkri framvindu rannsókna og fyrirtækið fengið ca 130 milljarða í meðgjöf frá bandaríska ríkinu. [12]

Ef ég ætti hlutabréf í Moderna og tryði því fyrirtækið væri að koma með bóluefni sem virkaði, héldi ég fast um bréfin mín

Höfundur: Helgi Örn Viggóson 

HEIMILDIR

  • https://www.mbl.is/…/hefur_mikla_tru_a_boluefnaframleidand
  • [1] https://www.fiercepharma.com/…/az-lilly-amgen-and-more-scor…
  • [2] https://www.fiercebiotech.com/…/astrazeneca-and-amgen-tezep…
  • [3] https://thefedupdemocrat.home.blog/…/google-is-now-a-pharm…/
  • [4] https://jameslyonsweiler.com/…/2019-ncov-vaccine-recommend…/
  • [5] https://www.ncbi.nlm.nih.gov/pmc/articles/PMC7162764/
  • [6] https://pubmed.ncbi.nlm.nih.gov/22536382/
  • [7] https://www.nature.com/articles/d41587-020-00016-w
  • [8] https://www.ageofautism.com/…/british-government-plays-with…
  • [9] https://www.forbes.com/…/did-the-oxford-covid-vaccine-wor…/…
  • [10] https://www.newstatesman.com/…/experts-raise-doubts-about-o…
  • [11] http://www.thelancet-press.com/embargo/oxfordvaccine.pdf
  • [12] https://www.statnews.com/…/moderna-executives

Um höfund

Sigurlaug Ragnarsdóttir
Sigurlaug Ragnarsdóttir
✞༺(((( Ⓒilla ℜągnąℜṧ )))༻♚༺ BA Classical Art Historian || MA Culture & Media || Tourism & Sales Management || Web Design || Photo & Videographer for Tourism Magasins ༻
Sigurlaug Ragnarsdóttir
  • 525 Posts
  • 0 Comments
✞༺(((( Ⓒilla ℜągnąℜṧ )))༻♚༺ BA Classical Art Historian || MA Culture & Media || Tourism & Sales Management || Web Design || Photo & Videographer for Tourism Magasins ༻
http://www.mittval.is