Opið bréf til barnamálaráðherra, heilsuverndar skólabarna, barnaverndarstofu, Landlæknis, Mannréttindastofu og Umboðsmanns Barna á Íslandi
Ágætu viðtakandendur,
Við undirrituð sem erum í forsvari fyrir Mannréttindasamtökin MÍN LEIÐ MITT VAL förum fram á að þið í krafti embættis ykkar komið í veg fyrir að börn 12-17 ára, svo og yngri börn, verði sprautuð með þeim tilraunaefnum, sem eiga að vera gegn kóvid.
Ósk okkar byggjum við á eftirfarandi:
- Lyfjatilraunir á börnum eru ekki heimilaðar hér á landi og þau efni sem verið er að sprauta í fólk eru á tilraunastigi fram til ársins 2023.
- Vísindasiðanefnd veitti aldrei samþykki sitt fyrir þessum lyfjatilraunum.
- Engar tilraunir voru gerðar á börnum áður en þessi efni fengu neyðarleyfi.
- FDA (Fæðu- og lyfjastofnun) í Bandaríkjunum veitti neyðarleyfi til að nota mætti þau fyrir börn eldri en 16 ára þar í landi þann 22/12 2020 og víkkaði þá heimild út niður í börn 12 ára og eldri þann 10/5 2021.
- Í júní kom í ljós að ein af afleiðingum lyfjanna var bólga í gollurshúsi og hjarta, sem meðal annars hefur komið upp hjá 397 börnum í Bandaríkjunum á þessum aldri, en þar hafa átján börn þegar látist og um 9.300 tilkynningar um aukaverkanir borist.
- Hér á landi höfðu fyrir nokkrum dögum borist 24 tilkynningar um aukaverkanir hjá börnum með undirliggjandi sjúkdóma á aldrinum 12-17 ára – en engar tilraunir voru gerðar á þeim hópi áður en neyðarleyfi (skilyrt markaðsleyfi) fékkst.
- Aukaverkanir af lyfjunum valda varanlegum skaða og ganga ekki til baka.
Við erum lítil og fámenn þjóð. Börn eru mun ólíklegri til að smitast og veikjast alvarlega en fullorðið fólk, auk þess sem þau eru fyrri til að ná sér og lítil hætta er á að þau deyji.
Börn í þessum aldursflokki eru framtíð landsins – og hana ber að okkar mati að verja.
Treystum því að ósk okkar leiði til skjótra viðbragða hjá ykkur.
f.h. MÍN LEIÐ MITT VAL
Sigurlaug Þ. Ragnarsdóttir formaður
Kristín Þormar gjaldkeri
Þrándur Arnþórsson ritari
Ragnar Unnarsson varaformaður
Leifur Árnason
Guðrún Bergmann
Um höfund
- ✞༺(((( Ⓒilla ℜągnąℜṧ )))༻♚༺ BA Classical Art Historian || MA Culture & Media || Tourism & Sales Management || Web Design || Photo & Videographer for Tourism Magasins ༻
Síðustu færslur
MANNRÉTTINDI19. nóvember, 2024MENNTASPJALL VALGERÐAR SNÆLAND JÓNSDÓTTUR
Sigurlaug Ragnarsdóttir15. ágúst, 2024‘Really Chilling’: Five Countries to Test European Vaccination Card
MANNRÉTTINDI9. ágúst, 2024Lög um borgaralega handtöku voru felld úr gildi árið 2008
Óflokkað30. maí, 2024GLÚMUR SEGIR ARNAR ÞÓR VERA MEÐ VITLAUSAR SKOÐANIR
