Ingunn Björnsdóttir, dósent í lyfjafræði við Óslóarháskóla – Bóluefnin voru aldrei prófuð á öldruðu, langveiku og fjölveiku fólki fyrir markaðssetningu. Það er yfirleitt ekki gert þegar lyf eru prófuð.
![](http://mittval.is/wp-content/uploads/2022/08/Ingunn-1.jpg)
Fréttir 25. janúar 2021
Árið 2020 er búið sem betur fer, flestir gera miklar væntingar til 2021
Síðasta ár var fjallað of mikið um COVID-19 hér í þessum pistlum, greinar sem ég var ekki sáttur við að skrifa, en taldi mig knúinn til að taka þátt í umræðunni. Með góðri hjálp frá ýmsum aðilum sem aumkuðust yfir minni fáfræði, hjálpuðu mér við efnisval, miðluðu til mín sérþekkingu úr sínum viskubrunni og bentu mér á efnisval í þessa pistla. Fyrir vikið tel ég mig hafa komist nokkuð skammlaust frá þessum pistlaskrifum 2020.
2021 gefur von um batnandi hag og ferðafrelsi
Fyrstu Íslendingarnir hafa nú verið bólusóttir fyrir kórónuveirunni og vonir standa til þess að búið verði að bólusetja flesta Íslendinga á vormánuðum (maður kemst þá vonandi í sauðburð). Fljótlega var byrjað að bólusetja fyrsta hópinn, sem voru m.a. elstu íbúar landsins á öldrunarstofnunum. Eins og eðlilegt er þá deyr gamalt fólk (að meðaltali 18 manns vikulega), en eitthvað af þessu fólki hafði stuttu áður fengið sína fyrri sprautu við COVID-19 og fóru einhverjir miðlar að flytja fregnir af þessum andlátum á þann veg og hátt að í umsögninni og fréttum mátti lesa á milli lína að andlátin mætti rekja til bólusetninganna. Frekar neikvæður fréttaflutningur sem virtist í fyrstu litast af „æsifréttamennsku“.
Von um betra framhald má ekki tala um eða skrifa niður með órökstuddum neikvæðum greinum.
Guðrún Bergmann skrifaði grein á frekar neikvætt framsettan hátt í andstöðu við bóluefnið og þær aðgerðir sem verið er að gera. Hún talaði niður til þríeykisins, Kára Stefánssonar og þeirra sem unnið hafa þrekvirki í þessari baráttu við þessa veiru. Vildi líkja hugmyndum Þórólfs og Kára um að flýta bólusetningu á öllum landsmönnum við tilraunastarfsemi nasista í seinni heimsstyrjöldinni og leiðir að getgátum að þetta séu bara hagsmunatengsl Kára við m.a. Bill Gates.
Eftir lestur greinar Guðrúnar fanst mér, ólærðum manninum, eitthvað undarlegt við lesturinn, eins og að lesa grein eftir manneskju sem lifir og hrærist í neikvæðni og sé að skrifa sig áfram á öfund út í þá sem eru jákvæðir (spurning hvort hún sé ekki ánægð með að það fari of mikill tími í að þróa og hanna bóluefnið við Covid-19 hjá Pfizer í stað þess að halda sig bara við sína frægustu framleiðslu á Viagra).
Kári sagður hafað flissað yfir grein Guðrúnar og leiðrétti margt í greininni.
Ég efa ekki að Kári sé ekki gallalaus, en hann hefur fyrir mér unnið þrekvirki í þessum faraldri og komið að sóttvörnum með þekkingu og fórnfýsi í gegnum sitt fyrirtæki með aðstoð við greiningu sýna og sýnatöku.
Í grein á vefmiðlinum man.is má lesa að Kári hafi flissað að grein Guðrúnar, hún væri full af rangfærslum og að Bill Gates hafi og komi Kára fyrir sjónir sem „pirrandi nörd“.
Aðspurður um tengsl á milli dauðsfalla fólks á öldrunar- og hjúkrunarheimilum eftir bólusetningar sagði Kári að það séu nánast engar líkur á tengingu þarna á milli.
Sé vitnað orðrétt til umræddrar greinar á www.man.is sagði Kári um þessi dauðsföll: „… þau hafi ekkert að gera með bóluefnið. Það verji fólk gegn COVID-19 en engum öðrum sjúkdómum“.
Leitaði ég því til frænku minnar, Ingunnar Björnsdóttur, um frekari skýringar, eins og í blaðinu 2. apríl 2020. Ingunn starfar sem dósent í lyfjafræði við Óslóarháskóla og hún svaraði mínum spurningum á eftirfarandi hátt:
1. Hvað er í þessum bóluefnum sem verið er að gefa og hvað gerir það fyrir okkur?
Svar: „Urmull er til af fræðigreinum, upplýsingum frá lyfjastofnunum margra landa og fylgiseðlum sem gera þessu skil í smáatriðum. Ég ætla að reyna að svara á aðeins annan hátt: Pfizer bóluefnið og Moderna bóluefnið splæsa bút af RNA (sem lítur út svipað og hálfur hringstigi) inn í DNA (sem lítur út eins og hringstigi) og þessi splæsti bútur veldur því að veiran missir aðgang sinn og getur því ekki lengur valdið skaða. Svipað og ef svæði er styrkt sem gaddakylfa gæti annars brotið. Þessi splæsingarbóluefni hafa verið prófuð á tugþúsundum og sýnt sig að hafa litlar aukaverkanir. Öll lyf og bóluefni hafa einhverjar aukaverkanir og flest lyf eru fyrir markaðssetningu prófuð á mun færri, kannski þrjú til fimm þúsund manns. Grein Guðrúnar Bergmann sem nefnd er hér að ofan virðist ansi lituð af margs konar misskilningi, sem ég ætla ekki að gera nánari skil hér. Ég fjalla heldur ekki um AstraZeneca bóluefnið eða önnur bóluefni sem vænta má að komi á markað á Íslandi fljótlega.“
2. Er hugsanlegt að bóluefnið hafi átt þátt í að flýta andlátum þessara einstaklinga sem voru bólusettir?
Svar: „Bóluefnin hafa ekki verið prófuð á öldruðu, langveiku og fjölveiku fólki fyrir markaðssetningu. Það er yfirleitt ekki gert þegar lyf eru prófuð. Þess vegna hefur verið sett upp svokölluð lyfjagát, fjórða fasa lyfjarannsóknir, sem alltaf fara fram eftir markaðssetningu. Í hverri viku deyja einhverjir aldraðir, langveikir og fjölveikir. Dauðsföllin nú eru ekki fleiri en á venjulegum vikum þar sem ekkert hefur verið bólusett, en af því að þau gerast stuttu eftir bólusetningu er sjálfsagt og rétt að kanna þau nánar. Þótt ekkert annað en tímasetningin gefi í raun tilefni til þess.“
3. Þú sem lyfjafræðingur, er það þitt mat að hugmynd Kára og Þórólfs að tilraunabólusetja alla þjóðina sé jákvætt skref?
Svar: „Já. Eftir sem áður verður enginn neyddur í bólusetningu, en ef af þessu yrði fengjust mikilvægar upplýsingar um hjarðónæmi. Næsta víst er að nægur fjöldi Íslendinga vilji bólusetningu til að þær upplýsingar sem vonast er eftir fengjust. Þetta myndi að vísu þýða að Ísland færðist framar í biðröðinni eftir bóluefninu, en ávinningurinn vísindalega er ótvíræður, og því verjandi að gengið yrði lítillega á hlut einhverra þeirra sem bíða í ofvæni. Þar sem enginn er neyddur í bólusetningu þá er ekki gengið á rétt þeirra sem ekki vilja bólusetningu,“ segir Ingunnn Björnsdóttir.
Kærir Embætti landlæknis á ný
Ingunn Björnsdóttir
Hún krefst þess að fá upplýsingar um úttekt á lyfjagagnagrunninum. Embætti landlæknis hefur m.a. synjað henni aðgangs að tölvupóstum sem hún þarf til þess að greina villurnar. Hún kærði því embættið til úrskurðarnefndar um upplýsingamál sem úrskurðaði henni í hag.
Samt sem áður hefur Embætti landlæknis ekki látið gögnin af hendi. Nú hefur Ingunn aftur kært embættið til úrskurðarnefndar fyrir að fylgja ekki fyrri úrskurði og hindra aðgengi að gögnunum. Ingunn segir skorta gæðavöktunarkerfi hjá embættinu til að koma í veg fyrir villur.
Villandi upplýsingar í lyfjagagnagrunni Landlæknis
Ingunn Björnsdóttir dósent í félagslyfjafræði við Háskólann í Osló segir að lyfjagagnagrunnur Landlæknisembættisins sé meingallaður og gefi rangar upplýsingar um lyfjanotkun, sem geti stefnt lífi sjúklinga í hættu. Þrátt fyrir að vitað hafi verið um gallann í mörg ár hafi ekki verið brugðist við honum og því megi einnig draga í efa fullyrðingar um að Íslendingar eigi heims- og Norðurlandamet í notkun ýmissa lyfja.
Ingunn Björnsdóttir lyfjafræðingur segir mögulegt að upplýsingar um lyfjanotkun Íslendinga séu rangar. Hún krefst þess að fá upplýsingar um úttekt á lyfjagagnagrunninum. Embætti landlæknis hefur m.a. synjað henni aðgangs að tölvupóstum sem hún þarf til þess að greina villurnar.
Hún kærði því embættið til úrskurðarnefndar um upplýsingamál sem úrskurðaði henni í hag. Samt sem áður hefur Embætti landlæknis ekki látið gögnin af hendi. Nú hefur Ingunn aftur kært embættið til úrskurðarnefndar fyrir að fylgja ekki fyrri úrskurði og hindra aðgengi að gögnunum. Ingunn segir skorta gæðavöktunarkerfi hjá embættinu til að koma í veg fyrir villur. 12
Hlutfall umframdauðsfalla var hvergi hærra í Evrópu en á Íslandi í desember, samkvæmt Eurostat. Embætti landlæknis segir hlutfallið töluvert lægra. Ljósmynd/Almannavarnir
Embætti landlæknis telur tölfræði um umframdauðsföll á Íslandi er birtist í skýrslu evrópsku hagstofunnar (Eurostat), vera ranga og að um ofmat sé að ræða.
Eins og fram kom í Morgunblaðinu í dag segir í skýrslunni að ríflega 43% fleiri hafi látist í desember á Íslandi samanborið við meðalfjölda andláta á mánuði árin 2016 til 2019. Samkvæmt þeirri tölfræði var hlutfall umframdauðsfalla hvergi hærra í Evrópu en á Íslandi í þessum mánuði.
Hlutfallið í raun 17,3%
Í skriflegu svari embættisins við fyrirspurn mbl.is kemur aftur á móti fram að embættið telji að hlutfall umframdauðsfalla fyrir desember, miðað við framangreint tímabil, hafi verið mun lægra, eða um 17,3%. Munar 25,7 prósentustigum þar á.
„Skv. okkar tölum voru 245 dauðsföll í desember 2022 miðað við 193,3 að meðaltali í desember árin 2016-2019.
Ef við leiðréttum fyrir mannfjölda þá voru dauðsföllin í desember 65,1 á 100.000 íbúa miðað við 55,5 að meðaltali á 100.000 íbúa í desember árin 2016-2019. Þannig reiknast umframdauðsföllin 17,3% en ekki 43%,“ segir í skriflegu svari embættisins.
https://www.mbl.is/frettir/innlent/2023/02/20/segja_tolfraedi_um_umframdaudsfoll_ranga
Umframdánartíðni á Íslandi hækkaði um +55.8% fyrstu níu mánuði ársins 2022
Umframdánartíðni í ESB hækkaði í +16% í júlí 2022 úr +7% bæði í júní og maí. Þetta var hæsta gildi sem mælst hefur hingað til árið 2022, sem nam um 53.000 dauðsföllum til viðbótar í júlí á þessu ári samanborið við mánaðarmeðaltöl 2016-2019.
Þetta var óvenju hátt gildi fyrir þennan mánuð. Umframdánartíðni var +3% í júlí 2020 (10.000 umfram dauðsföll) og +6% í júlí 2021 (21.000 umfram dauðsföll). Miðað við fyrirliggjandi upplýsingar gæti eitthvað af aukningu dánartíðni í júlí 2022 miðað við sama mánuð síðustu tveggja ára verið vegna hitabylgjunnar sem hafa haft áhrif á hluta Evrópu á viðmiðunartímabilinu.
Þessar upplýsingar koma úr gögnum um umfram dánartíðni sem Eurostat birtir í dag, byggt á vikulegri gagnasöfnun um dauðsföll. Greinin sýnir handfylli af niðurstöðum úr ítarlegri greinum með útskýrðum tölfræði um of dánartíðni og vikulega dauðsföll.
Umfram dánartíðni samkvæmt skráningu Dr. John Campbell
Bréf til velferðarnefndar Alþingis
Mannréttindasamtökin MÍN LEIÐ – MITT VAL sendu eftirfarandi bréf til Velferðarnefndar Alþingis þann 11. júní 2021 þar sem óskað var eftir því að nefndin fjalli um þau fjölmörgu mannréttindabrot sem framin eru í kringum C-19 bólusetningarnar.
Til formanns Velferðarnefndar Alþingis Helgu Völu Helgadóttur og annarra nefndarmanna
Ágæti formaður Helga Vala
Við sem stöndum að mannréttindasamtökunum MÍN LEIÐ – MITT VAL viljum vekja athygli Velferðarnefndar Alþingis á að hér á landi fara fram gróf brot á mannréttindum í tengslum við þær tilraunabólusetningar sem fólk er boðað í með boðhætti og sem allir eru hvattir til að taka þátt í.
Í kynningum til landsmanna um bólusetningar með þessum bóluefnum sem eru ekki bóluefni í eiginlegum skilningi og eru öll á undanþáguleyfum, kemur hvergi fram, að um tilraun sé að ræða eða að fólk hafi VAL um það hvort það þiggur efnin eða ekki, nema leitað sé vandlega á vef landlæknis.
Við teljum jafnframt að verið sé að brjóta á mannréttindum fólks samkvæmt eftirfarandi atriðum, þar sem upplýsingar úr;
- Risk Management Plan 2.0 frá 29. apríl 2021 með einhverjum breytingum frá Risk Management Plan 1.0 frá 20. desember 2020, fyrir Comirnaty efnið frá Pfizer/BioNTech hafa ekki verið kynntar almenningi.
Fyrir skömmu kynnti sóttvarnalæknir að fyrirhugað væri að bólusetja börn á aldrinum 12-15 ára, sem væru með undirliggjandi sjúkdóma.
- Á bls. 72 í Risk Management Plan 2.0 skýrslunni, kemur fram að ónæmisbæklaðir einstaklingar, en þeir sem eru með undirliggjandi sjúkdóma eru það, hafi ekki verið hafðir með í tilraunum með bóluefnin hingað til, þar sem þeir eru með skert ónæmiskerfi og hefðu því takmarkað ónæmisviðbragð gagnvart bóluefnunum og því væri talið að myndu ekki sýna fullt viðbragð við efnunum.
ENGAR TILRAUNIR Á FÓLKI MEÐ UNDIRLIGGJANDI SJÚKDÓMA
Börn með undirliggjandi sjúkdóma eru með skert ónæmiskerfi eða ónæmisbækluð og því ætti ekki að nota bóluefnið á þau.
Að auki eru börn á þessum aldri ekki sjálfráða, hér er ekki skyldubólusetning og því hefur sóttvarnalæknir að okkar mati ekki heimild til að boða þessi börn í bólusetningu, án þess að leggja það undir foreldra þeirra fyrst – og kynna þeim jafnframt að börn með undirliggjandi sjúkdóma hafi ekki tekið þátt í tilraunum með efnin.
Við teljum þessa fyrirætlun sóttvarnalæknis því brot á mannréttindum þessa hóps.
HEIMILDIR
,,Þú sem lyfjafræðingur, er það þitt mat að hugmynd Kára og Þórólfs að tilraunabólusetja alla þjóðina sé jákvætt skref”?
VIÐTAL VIÐ INGUNNI BJÖRNSDÓTTUR Í BÆNDABLAÐINU ÁRIÐ 2020
https://www.mbl.is/greinasafn/grein/1500128/
https://www.bbl.is/frettir/oryggi-heilsa-og-umhverfi/arid-2020-er-buid-sem-betur-fer-flestir-gera-miklar-vaentingar-til-2021
https://www.althingi.is/altext/erindi/145/145-1734.pdf
*https://www.mbl.is/frettir/innlent/2023/02/20/segja_tolfraedi_um_umframdaudsfoll_ranga
*https://mittval.is/bref-til-velferdarnefndar-althingis?fbclid=IwAR0n03fhw_6Yzu61nDGBFe7FxnDIsoUKG2xQC-SKl-deQpDx-6442LwNNyM
Um höfund
![Sigurlaug Ragnarsdóttir](http://mittval.is/wp-content/uploads/2021/09/CILLA-AFTER-SWIM-150x150.jpg)
- ✞༺(((( Ⓒilla ℜągnąℜṧ )))༻♚༺ BA Classical Art Historian || MA Culture & Media || Tourism & Sales Management || Web Design || Photo & Videographer for Tourism Magasins ༻
Síðustu færslur
MANNRÉTTINDI9. ágúst, 2024Lög um borgaralega handtöku voru felld úr gildi árið 2008
MANNRÉTTINDI9. ágúst, 2024Með sameiginlegu átaki náum við að koma Sævar Kolandavelu í þessa lífsnauðsynlegu aðgerð á mánudaginn.
Óflokkað30. maí, 2024GLÚMUR SEGIR ARNAR ÞÓR VERA MEÐ VITLAUSAR SKOÐANIR
GLÆPUR GEGN MANNKYNI9. janúar, 2024Janet Ossebaard, höfundur heimildarmyndarinnar “The fall of the Cabal” fannst látin á jóladag