Ríkisstjórnin afléttir öllum sóttvarnaraðgerðum en heldur áfram að láta sprauta fólk - mittval.is

Ríkisstjórnin afléttir öllum sóttvarnaraðgerðum en heldur áfram að láta sprauta fólk

Mjög áhugavert viðtal um stöðu mannréttinda mála frá ýmsum sjónarhornum en þá allra helst hulin þáttaka Katrínar Jakobsdóttur í World Economic Forum undir stjórn Klaus Swab og félaga.

Sterk hagsmunatengsl á milli opinberra stofnana og lyfjaframleiðenda

Þau Leifur og Guðrún segja þetta skjóta skökku við og að þegar yfirvöld séu innt eftir svörum um bólusetningar og bóluefnin komi engin svör, engu sé svarað. Þau segja þöggunina sem ríkt hefur á Covid tímum um þessi mál sem varða almenning ekki hafa minnkað. Þá segja þau einnig afar áhugavert að skoða það sem kemur í ljós þegar kemur að því hverjir koma að þögguninni en það sé meðal annars matvæla og lyfjastofnun Bandaríkjanna sem meðal annars óskaði eftir því fyrir hönd Pfizer að 75 ára leynd myndi hvíla yfir innihaldi bóluefnanna. Gurún bendir á í því samhengi að stofnunin sé fjármögnuð að hálfu af lyfjaframleiðendum og að þetta veki því upp ákveðnar spurningar. Leifur segir að það sé einnig áhugavert að margir fyrrverandi starfsmenn stofnunarinnar sitji í stjórnum lyfjaframleiðenda.

Reynt að ná stjórn á fólki með því að setja í það hluti

Guðrún segir að meðal þess sem er í áætlunni er að ná stjórn á fólki meðal annars með því að koma fyrir hlutum í fólki með sprautum, því sé hún til dæmis afar óhress með að í núverandi sóttvarnarlögum að það sé heimilt að grípa inn í og setja í líkama fólks áhald eða hlut og gera rannsókn á líkamsholi fólks. Þá bendir Guðrún á að gert sé ráð fyrir að endurnýja þurfi bóluefnin á 90 daga fresti

„þá snýst þetta ekkert lengur um heilsu okkar heldur það að dæla í okkur einhverjum efnum og stjórna okkur og halda okkur þannig að það sé hægt að fylgjast með okkur alls staðar, hefta för okkar, loka bankareikningum okkar eins og gert er í Kanada, gera okkur að meiri þrælum en við höfum verið hingað til“

Katrín Jakobsdóttir í stjórnmálaskóla Klaus Schwab

Leifur segir framgöngu Katrínar Jakobsdóttur forsætisráðherra áhugaverða og veltir fyrir sér hvað henni gangi til með að vera eins konar talsmaður World Economic Forum og GAVI.

„Katrín er alin upp í stjórnmálaskóla Klaus Scwab eins og svo margir aðrir, maður er ekkert að tala á þennan hátt nema maður hafi verið þar inni“segir Guðrún

Hlusta má á viðtalið í spilaranum hér:  https://utvarpsaga.is/rikisstjornin-aflettir-ollum-sottvarnaradgerdum-en-heldur-afram-ad-lata-sprauta-folk/


Katrín Jakobsdóttir á að segja af sér

Guðrún Bergmann rithöfundur og lífstílsráðgjafi.

Katrín Jakobsdóttir forsætisráðherra þar sem hún gengur erinda World Economic Forum í gegnum Davos klíkuna við að setja Ísland undir eina heimsstjórn sem WEF hefur unnið að mjög lengi að skipan djúpríkisins. Þetta var meðal þess sem fram kom í máli Guðrúnar Bergmann rithöfundar og lífstílsráðgjafa í síðdegisútvarpinu í dag en hún var gestur Arnþrúðar Karlsdóttur.

Hún segir áhrif djúpríkisins hafi ekki verið mjög sterk þar til á síðustu öld þegar Sameinuðu þjóðirnar voru stofnaðar og World Health Organization. Þarna séu tvær stórar stofnanir þar sem menn eru valdir inn og sameinast um að gera breytingar á heiminum og stýra fólki inn í ákveðna mynd sem lítill hópur hefur ákveðið hvernig eigi að vera. Eitt markmið þessara afla sé að fækka mannkyninu niður í 500 milljónir.

„og við verðum að fara að taka eftir því að það er það sem stefnt er að á margan hátt og við verðum að vera meðvituð um að það eru þarna öfl sem við verðum að sýna viðspyrnu ef við ætlum ekki að láta fangelsa okkur í litlum bæjarhlutum“segir Guðrún.


Vaknið – það er hætta í aðsigi!

Kristín Þormar skrifar á blog.is:

Ég vona að ég hafi rangt fyrir mér, en ég óttast að við séum á leið inn í nýtt tímabil skimana, hafta og grímna, enda eru ýmis teikn á lofti um það.

Einnig er mikil hætta á að Alþjóðaheilbrigðisstofnunin muni ná völdum yfir stjórnun á heilbrigðismálum heimsins, en ég reikna ekki með að fólk átti sig á hættunni sem af því stafar.

Rétt fyrir áramót sagði Guðrún Aspelund sóttvarnalæknir þetta meðal annars í viðtali:

„Kæmi fram nýtt afbrigði gæti það skapað mjög mikinn usla hér“.

Ef einhver veit ekki um hvað hún er að tala þarna, þá eru það afbrigði af „drápsvírusnum“ ógurlega sem heil 82% landsmanna 5 ára og eldri teljast fullbólusettir gegn, og miðast það við tvo skammta af bóluefni.

210.670 einstaklingar hafa fengið að minnsta kosti þrjá skammta, og 60.483 fengið fjóra.

Það væri fróðlegt að vita hvers vegna hið marglofaða samfélagslega ónæmi virðist ekki hafa náðst ennþá, kannski hefur það bara ákveðið að fara í frí rétt eins og gamla góða flensan sem tók sér kurteisispásu til að hleypa „drápsvírusnum“ að borðinu.

Nú er nýjasta ógnin víst enn og aftur upprunnin í Kína, og var hún tilefni fundar heilbrigðisyfirvalda með full­trú­um Sótt­varna­stofn­un­ar Evr­ópu og full­trú­um Alþjóðaheil­brigðis­stofn­un­ar­inn­ar (WHO) – ásamt öðrum lönd­um í Evr­ópu um út­breiðslu „drápspestarinnar“.

Hér er stórt hættumerki!

„Ítal­ía er eina Evr­ópu­ríkið sem hef­ur tekið ákvörðun um aðgerðir. Það er samt frek­ar verið að mæla með að Evr­ópa sé með sam­hæfðar aðgerðir. Það er ekki gagn­legt að lönd séu að gera mis­mun­andi hluti“, seg­ir Guðrún (Áherslan er mín)

Ég get ekki lesið annað út úr þessu en að við verðum að vera undir það búin að þegar það kemur einhver tilskipun um „sóttvarnaraðgerðir“ utan úr heimi, þá verðum við að gangast undir hana, enda gerði Þórólfur það margoft, og að fyrst verði byrjað á bölvuðu grímunum.

Hver man ekki eftir því að Þórólfur mælti ekki með grímunotkun í júní 2020, og sagði meðal annars að:

… notkun á andlitsgrímum geti leitt til þess að fólk gæti sín ekki eins vel á öðru fólki og að það sjáist vel að fólk sé stöðugt að káfa á grímunum. Grímunotkun geti því hugsanlega stuðlað að aukningu smita.

En sagði stuttu seinna að skoðun hans á grímum hafði breyst, það komu víst einhverjar frekari upplýsingar fram að hans sögn, án þess reyndar að gefa upp hverjar þær upplýsingar væru og hvaðan þær kæmu.

Og hann skellti á okkur grímuskyldu aftur og aftur, og auðmjúk veiruhrædd þjóðin hlýddi.

Þetta er allt eitthvað sem við höfum upplifað aftur og aftur í hátt í þrjú ár núna, fyrst var einhver hætta út í heimi sem við þurftum líklegast ekki að hafa miklar áhyggjur af.

Svo fór hættan að nálgast okkur og sóttvarnalæknir byrjaði að lýsa yfir áhyggjum sínum á ástandinu, en við gætum samt alveg verið róleg, í bili að minnsta kosti.

Hinir íslensku „froskar“

Við vorum „froskarnir“ sem voru settir í volgt vatn þar sem við undum okkur afskaplega vel í öruggum faðmi Þórólfs sem stuttu síðar fékk heiðursorðu (ásamt hinum úr þríeykinu), fyrir að hafa leitt okkur svo vel út úr „heimsfaraldrinum“.

Hefðum við verið sett ofan í of heitt vatn, hefðum við stokkið strax uppúr. En þar sem vatnið var bara volgt og notalegt í byrjun, þá tókum við ekkert eftir því að það hitnaði smám saman og fór að sjóða.

Ég er hér að vitna í frábæra grein „Hvernig skal sjóða íslenskan frosk“ eftir Viggó Örn Jónsson sem allir ættu að lesa, en hún var birt á Visir.is þann 6. apríl 2021, og lokaorð hennar voru: Vel soðnir froskar eru hlýðnir froskar.

Það er leiðinlegt að þurfa að segja það, en stærstur hluti íslensku þjóðarinnar eru vel soðnir og hlýðnir „froskar“ sem trúa flestu gagnrýnislaust sem þeir sjá, heyra og lesa í fjölmiðlunum, og hvað þá ef það kom frá Þórólfi meðan hann var í embætti.

Fólk hefur flykkst í þessi gagnslausu PCR próf, jafnvel fullfrískt, til að athuga hvort það sé veikt. Man einhver eftir þessum fáránlegu og bara fyndnu tilefnum sem Víðir tiltók sem tilefni til sýnatöku?

Svo fór það í stuttermabol í sprauturnar þegar það fékk SMS skipun um það. Fyrst áttu ein eða tvær að duga, svo var víst „nauðsynlegt“ að bæta einni við, og svo nú í haust þeirri fjórðu. Samkvæmt opinberum gögnum hafa hvorki meira né minna en 60.483 manns farið í hana.

Þúsundir íslenskra manna, kvenna og barna hafa orðið fyrir aukaverkunum, sumum óafturkræfum eða hafa jafnvel látist eftir þessar eitursprautur eins og ég kalla þær.

En það þykir ekki fréttaefni hér á landi.

Hvers vegna kalla ég þetta eitursprautur?

Vegna þess að þær eru búnar að valda ómældum skaða um allan heim, og þrátt fyrir það er ennþá verið að hvetja fólk í fleiri sprautur. Frásagnir sem ég er búin að lesa um fórnarlömb „bóluefnanna“ skipta þúsundum núna, og ég sé tugi nýrra á hverjum einasta degi, ekki þó á RÚV eða öðrum miðlum hér á landi sem eru á styrkjum frá ríkinu.

Skrif um fórnarlömb „bólusetninganna“ má finna í mörgum eldri bloggum mínum.

En hér eru örfá dæmi:

Þann 21. maí 2022 skrifaði ég blogg þar sem ég spurði hvort fólk ætlaði að falla fyrir þessu eina ferðina enn, en þá var búið að boða nýjan „heimsfaraldur“, nú af apabólu.

Sem betur fer tóku netverjar hressilega við sér með gríni og háði, sem virðist hafa reynst hið besta bóluefni gegn henni, enda hefur lítið spurst til þessa „faraldurs“ síðan.

WHO ætlar sér að taka yfir heilbrigðismál heimsins, vissuð þið það?

Það þýðir það einfaldlega að hvenær sem þeim dettur í hug, geti þau lýst yfir einhverju neyðarástandi, hvort það sé vegna einhverra veira, eða jafnvel „loftslagsvárinnar“ og hneppt okkur í hlekki og skikkað okkur í einhverjar sprautur þegar það „á við“. Og við munum ekkert geta gert, við verðum bara að hlýða!

Enda er þau búin að boða röð faraldra smitsjúkdóma (<- lesið þetta) næstu 10 árin.

James Roguski

James Roguski er rannsakandi, rithöfundur, talsmaður náttúrulegrar heilsu og aðgerðarsinni sem telur að gömlu kerfin séu réttilega að hrynja, svo við verðum að byggja fljótt upp ný í stað þeirra.

Hann hefur afhjúpað skjöl varðandi breytingar á alþjóðalögum og gerir allt sem hann getur núna til að afhjúpa hina leynilega áætlun WHO.

Hann hefur lagst í gríðarlega mikla og vandaða rannsóknarvinnu til að fletta ofan af þessum óhugnanlegu áætlunum WHO um yfirtöku stjórnunar á heilbrigðismálum heimsins, og þetta þurfið þið að kynna ykkur vel og vandlega.

RED ALERT! WHO Has Written a REMOVAL of Human Dignity, Rights & Freedom

Núna er viti firrt elíta að fækka mannkyninu niður í „ásættanlegan fjölda“ að þeirra mati, meðal annars með þessum eitursprautum, og athugið að nánast allt sem okkur hefur verið sagt að séu „samsæriskenningar„, er að rætast eitt af öðru núna.

0106

Í þessu viðtali við hann sjáið þið að þessi yfirtaka WHO á heilbrigðismálum heimsins hefur ekkert með heilsu að gera, heldur að ná völdum yfir lífum okkar, og að sjálfsögðu peninga líka.

Áætlað er að hin ofurleynilega endurskoðunarnefnd um heilbrigðisreglur (IHRRC) komi saman núna 9.-13. janúar 2023, og ætla þeir að leggja fram breytingarnar 15. janúar 2023.

Vissuð þið að Alþjóðaheilbrigðismálastofnunin (WHO) var bókstaflega verið sett á laggirnar til að starfa sem eins heims ríkisstjórn?

Eða að hún er í nánu samstarfi við The World Economic Forum (WEF), Bill Gates og fleiri sem ætla að skikka okkur til að búa á „15 mínútna svæðum“ eins og á að gera í Oxford í Bretlandi árið 2024, og það undir fullkomnu rafrænu eftirliti?

Under the guise of „controlling traffic,“ officials are attempting to control the lives of the people in Oxford, England. This is a „test case“ that must NOT be allowed to set a precedent.

Þessi illu öfl – sem hafa hvergi verið kjörin til slíks, telja sig mega fækka mannkyninu, „the useless eaters“ sem þau kalla okkur, og láta þá sem eftir lifa, lifa undir fullkominni stjórn þeirra, og í kringum árið 2030 munum við ekkert eiga, og vera hamingjusöm samkvæmt því sem WEF er búið að tilkynna okkur.

Þessir illvirkjar eru ekkert að leyna áformum sínum og birta þau reglulega opinberlega á vefsíðum sínum. Leitið ykkur sjálf upplýsinga en ekki nota hið ritstýrða Google, ég nota oft yandex.com sem sýnir mér upplýsingar sem Google felur.

Það sorglega er að þeim er að takast að ná fram áætlunum sínum, sem eru búnar að vera í undirbúningi áratugum saman.

Nema við öll sem eitt segjum nei við samþykkjum þetta ekki. En munum við sem mannkyn gera það?

Því miður er líklegra að við munum halda áfram að vera „soðnir froskar“ sem munum segja: Ha, hvernig gat þetta gerst?

Þegar það verður orðið of seint og búið er að svipta okkur öllu svo hægt og rólega að við tókum ekki eftir því gerast.

0106a

Vaknið – það er hætta í aðsigi!


Þetta er ekki faraldur – heldur stríð: Valdaelítan reynir að ná stjórn á okkur

Covid-aðgerðirnar snúast ekki um heilsu. Málið fjallar um eftirlit og stjórn á fólki og venja fólk á að vera stjórnað. Lokamarkmiðið er að breyta hegðun fólks og fá það til að sætta sig við nýja lífshætti – í versta falli með stafrænu eftirlits- og stjórnunarkerfi. Tilraunin til að hemja mannkynið mun líklega halda áfram, segir ESB-þingmaðurinn Christine Anderson frá stjórnmálaflokknum Valkostur við Þýskaland í viðtali við Swebbtv.

Reyndu það sama fyrir tíu árum en mistókst

Þýska ESB-þingkonan Christine Anderson heldur því fram að covid-aðgerðir yfirvalda fjalli meira um eftirlit á fólki en heilsu þess. Núna er reynt að festa þetta eftirlit í sessi.

Valdaelítan og lyfjaiðnaðurinn reyndu þetta þegar við svínainflúensufaraldurinn fyrir meira en tíu árum síðan en mistókst þá. Af einhverjum ástæðum hefur þeim tekist það með Covid-19. Christine Anderson tók þegar eftir því vorið 2020, að allt var ekki eins og það átti að vera. í nýju viðtali (sjá neðar á síðunni) við sænska Swebbtv segir hún:

„Mér var bent á hvernig þeir meðhöndluðu svínainflúensuna þegar þeir gerðu nákvæmlega það sama. Þá gekk það ekki, en í þetta sinn hertu þeir róðurinn á afgerandi hátt.“

Meðan á covid stóð tókst öðrum röddum ekki að koma fram og spyrja hversu hættulegur vírusinn væri raunverulega (sænska lýðheilsan sagði í júní 2020 að dánartíðni af völdum nýju kórónuveirunnar væri allt að 0,1 prósent meðal fólks undir 70 ára ).

„Allt snerist um að stjórna fólki. Ég sá mjög snemma að þetta snerist ekki um að hafa stjórn á veiru heldur bara að stjórna fólki. Ég vonaði að ég hefði rangt fyrir mér, en því miður, ég hafði rétt fyrir mér. Þetta snýst ekki um heilsu fólks. Þetta snýst um eitthvað, en ekki heilsu.“

„Þeir settu á höft og vildu hugsanlega sjá hversu langt þeir gætu komist áður en fólk gerði uppreisn. Svo kom bólupassinn. Byggður á rangri afsökun. Þeir vildu að fólk myndi venjast þessu. Hver sem er getur í raun farið inn í Þýskaland. Landamærum okkar er ekki stjórnað. En ég, sem þýskur ríkisborgari, gat ekki lengur farið inn í skóbúð eða farið í klippingu. Það mátti ég ekki gera. Á þeim tímapunkti voru sennilega margir sem héldu að eitthvað hefði farið mjög úrskeiðis.“

Fólk þvingað til hlýðni og óbólusettum kennt um allt sem misfórst

Fólk sem vildi ekki láta bólusetja sig og voru hinir „óbólusettu“ aðskildir á hræðilegan hátt:

„Þeir vildu að þú yrðir bólusettur og ef þú gerðir það ekki varðstu að vera heima. Þetta var ljóst. Hinir óbólusettu voru útskúfaðir úr samfélaginu. Þeir þrýstu á fólk. Ég þekki marga, sem vildu ekki láta bólusetja sig en þreyttust á áreitni, aðkasti og útskúfun. Allar ríkisstjórnir í hinum vestræna heimi og Evrópuþingið stóðu fyrir þessu. Fólki var hótað með vinnumissi eða það missti aðgang að heilsuþjónustu. Óbólusettum var kennt um að það vantaði heilbrigðisstarfsmenn. Þeir vildu að fólk myndi gefast upp og hlýða.“

„Allt var óbólusettum að kenna. Ég hugsaði bara: Guð minn góður. Þetta var hræðilegt. Þeir gerðu þetta viljandi vegna þess að þeir vildu að frásögn þeirra myndi vinna. Að takmarkanir þeirra og reglur myndu gilda. Og þeir gerðu allt sem þeir gátu til að svo yrði.“

Valdaelítan reynir að breyta hegðun fólks – hvað sem það kostar

Christine Anderson telur að „höftin“ muni halda áfram, það sem hefur gerst sé aðeins byrjunin, verið er að láta á reyna hvernig fólk lætur að stjórn. Valdhafar hagi sér eins og þeir séu að reyna að hemja óhlýðið barn:

„Því miður mun þetta halda áfram en ekki vegna þess, að við séum með heimsfaraldur, heldur vegna þess að þeir vilja það. Bólupassinn með QR kóða til að skanna út um allt var bara próf til að venja fólk á að nota passann. Næsta skref verða stafræn skilríki, sem farið er að kynna alls staðar. Á Ítalíu munu þeir bráðlega kynna svokallað snjallveski. Það er í grundvallaratriðum félagslega lánskerfið sem er í Kína. Það á að vera frjálst, en hversu lengi verður það? Þetta snýst um hvata til mannlegrar hegðunar. Það hefur ekkert með lýðræði eða frelsi að gera.“

Vegna þess að Evrópa er lýðræðisríki á pappírnum, þá verða breytingarnar gerðar „í smáum skrefum“ útskýrir Christine Anderson. Það er gert til þess að fólk muni aðlagast og sætta sig við breytingarnar. Við gætum endað með kerfi byggt á koltvísýringsnotkun.

„Þeir sem sjá þetta ekki þurfa að opna augun. Það eru bókstaflega engin takmörk fyrir því, hvað þeir munu gera til að fá þig til að hegða þér á ákveðinn hátt.“

 

Um höfund

Sigurlaug Ragnarsdóttir
Sigurlaug Ragnarsdóttir
✞༺(((( Ⓒilla ℜągnąℜṧ )))༻♚༺ BA Classical Art Historian || MA Culture & Media || Tourism & Sales Management || Web Design || Photo & Videographer for Tourism Magasins ༻
  • 511 Posts
  • 0 Comments
✞༺(((( Ⓒilla ℜągnąℜṧ )))༻♚༺ BA Classical Art Historian || MA Culture & Media || Tourism & Sales Management || Web Design || Photo & Videographer for Tourism Magasins ༻