GREINAR UM COVID OG TILRAUNAEFNIN EFTIR GUÐRÚNU BERGMANN
Guðrún Bergmann er einn af stofnendum mannréttindasamtakanna Mín Leið Mitt Val og situr hún m.a í stjórn félagsins en Guðrún hefur verið mjög ötul við að upplýsa almenning um stöðu mála allt frá fyrsta degi hvað varðar Covid-19 ástandið í heiminum.
Guðrún er einn af frumkvöðlum ýmis konar sjálfsræktarnámskeiða, sem hún hefur haldið í rúm 26 ár. Þau hafa m.a. fjallað um sjálfsstyrkingu kvenna, samskipti karla og kvenna og svo síðast en ekki síst um náttúrulegar leiðir til að bættrar og betri heilsu.
Undanfarin tvö ár hefur hún einbeitt sér að því að halda námskeiðin HREINT MATARÆÐI, sem hafa skilað þátttakendum bættri og betri líðan, bæði andlega og líkamlega. Nýjasta bók Guðrúnar er matreiðslubókin HREINT Í MATINN, en það er sextánda bók hennar. Að auki hefur hún þýtt fjölda bóka.
Guðrún Bergmann hefur á undanförnum 20 árum lagt mannréttinda og umhverfismálum sitt lið á einn eða annan hátt. Hótel Hellnar, sem hún seldi árið 2010 eftir 12 ára rekstur, var fyrsta umhverfisvottaða ferðaþjónustufyrirtækið á Íslandi.
Greinarnar má finna inni á heimasíðu Guðrúnar undir www.gudrunbergmann.is og á mbl.is
Hér kemur smá samantekt af helstu greinum og skrifum Guðrúnar um Covid-19 og tilraunaefnin.
VERNDIÐ BÖRNIN
ágúst 20, 2021
VERNDIÐ BÖRNIN
Þessi grein birtist fyrst í Morgunblaðinu 20. ágúst 2021
Framganga sóttvarnalæknis er með ólíkindum, nú þegar hann skyldar starfsfólk í skólum til að vera „bólusett“ (frétt á RÚV 16.08.21)[i]– en firrir sig jafnframt ábyrgð í því máli, með því að henda henni yfir á vinnuveitandann.
Hið sérkennilega er að þetta er EKKI BÓLUSETNING, eins og til dæmis flensubólusetning. Um er að ræða KLÍNÍSKA TILRAUN, sem hér og víða erlendis er þrýst upp á fólk að taka þátt í. Í Bretland, Holland og Frakkland eru þessar ástungur kynntar sem KLÍNÍSKAR TILRAUNIR og fólk fær upplýsingabækling um aukaverkanir þeirra, reyndar eftir ástunguna – en hér gengur fólk grunlaust að þessu sem bólusetningu.
Lesa má alla greinina hér
FORÐIST COVID-19 BÓLUEFNIN
maí 24, 2021 
FORÐIST COVID-19 BÓLUEFNIN segir Robert F. Kennedy jr.
Bandaríski lögmaðurinn Robert F. Kennedy jr., bróðursonur John F. Kennedy heitins, fyrrum forseta Bandaríkjanna, hefur í um 30 ár sótt mál fyrir hönd barna og fullorðinna, sem orðið hafa fyrir bóluefnaskaða. Hann þekkir því þann skaða sem bóluefnin hafa valdið hjá bandarísku þjóðinni eftir að lyfjafyrirtækin urðu undanþegin skaðabótaskyldu árið 1986.
Hann rekur í dag samtökin Children‘s Health Defence sem berjast fyrir bættri heilsu barna í Bandaríkjunum. Eins og margir aðrir sem hafa varað fólk við tilraunabóluefnunum gegn Covid-19 hefur hann verið svertur og ófrægður, myndbönd hans tekin niður af YouTube og Instagram og Twitter reikningum hans lokað. Hann telst af ákveðnum öflum vera ógn við samfélagið fyrir það eitt að vilja benda á hættuna af þessum efnum.
LESA ALLA GREININA HÉR
BRÉF TIL VELFERÐARNEFNDAR ALÞINGIS
Mannréttindasamtökin MÍN LEIÐ – MITT VAL sendu eftirfarandi bréf til Velferðarnefndar Alþingis í gær. Óskað er eftir því að nefndin fjalli um þau fjölmörgu mannréttindabrot sem framin eru í kringum C-19 bólusetningarnar. Ég fékk leyfi til að birta bréfið hér á síðunni minni og setti inn millifyrirsagnir.Til formanns Velferðarnefndar Alþingis
Helgu Völu Helgadóttur og annarra nefndarmanna
Ágæti formaður Helga Vala,
Við sem stöndum að mannréttindasamtökunum MÍN LEIÐ – MITT VAL viljum vekja athygli Velferðarnefndar Alþingis á að hér á landi fara fram gróf brot á mannréttindum í tengslum við þær tilraunabólusetningar sem fólk er boðað í með boðhætti og sem allir eru hvattir til að taka þátt í.
Í kynningum til landsmanna um bólusetningar með þessum bóluefnum sem eru ekki bóluefni í eiginlegum skilningi og eru öll á undanþáguleyfum, kemur hvergi fram, að um tilraun sé að ræða eða að fólk hafi VAL um það hvort það þiggur efnin eða ekki, nema leitað sé vandlega á vef landlæknis.
Við teljum jafnframt að verið sé að brjóta á mannréttindum fólks samkvæmt eftirfarandi atriðum, þar sem upplýsingar úr Risk Management Plan 2.0 frá 29. apríl 2021 með einhverjum breytingum frá Risk Management Plan 1.0 frá 20. desember 2020, fyrir Comirnaty efnið frá Pfizer/BioNTech hafa ekki verið kynntar almenningi. Þar kemur eftirfarandi fram:
ENGAR TILRAUNIR Á FÓLKI MEÐ UNDIRLIGGJANDI SJÚKDÓMA
1 – Fyrir skömmu kynnti sóttvarnalæknir að fyrirhugað væri að bólusetja börn á aldrinum 12-15 ára, sem væru með undirliggjandi sjúkdóma. Á bls. 72 í Risk Management Plan 2.0 skýrslunni, kemur fram að ónæmisbæklaðir einstaklingar, en þeir sem eru með undirliggjandi sjúkdóma eru það, hafi ekki verið hafðir með í tilraunum með bóluefnin hingað til, þar sem þeir eru með skert ónæmiskerfi. Þeir hefðu því takmarkað ónæmisviðbragð gagnvart bóluefnunum og því væri talið að myndu ekki sýna fullt viðbragð við efnunum.
Börn með undirliggjandi sjúkdóma eru með skert ónæmiskerfi eða ónæmisbækluð og því ætti ekki að nota bóluefnið á þau. Að auki eru börn á þessum aldri ekki sjálfráða, hér er ekki skyldubólusetning og því hefur sóttvarnalæknir að okkar mati ekki heimild til að boða þessi börn í bólusetningu, án þess að leggja það undir foreldra þeirra fyrst – og kynna þeim jafnframt að börn með undirliggjandi sjúkdóma hafi ekki tekið þátt í tilraunum með efnin. Við teljum þessa fyrirætlun sóttvarnalæknis því brot á mannréttindum þessa hóps.
EFNIN EKKI PRÓFUÐ Á ÞUNGUÐUM KONUM
2 – Í sömu Risk Management Plan 2.0 skýrslu á bls. 72 stendur að konur sem eru þungaðar eða með barn á brjósti hafi ekki verið með í tilraunum með bóluefnið. Þar stendur jafnframt að engar upplýsingar séu til um áhrif efnisins á þær, svo og að ekki sé vitað hvort efnið myndi hafa óvæntar neikvæðar afleiðingar fyrir fósturvísinn eða fóstrið.
Því teljum við það mannréttindabrot að verið sé að bólusetja þungaðar konur með þessum efnum – þvert á þær leiðbeiningar sem sóttvarnalæknir, landlæknir, hjúkrunarfólk og læknar sem að þessum bólusetningum koma, ættu að hafa kynnt sér í Risk Management Plan 1.0 skýrslunni um Comirnaty, svo og í 2.0 útgáfu hennar.
UPPLÝSINGAR SKORTIR FYRIR EFTIRTALDA HÓPA
3 – Jafnframt teljum við það mannréttindabrot að þær upplýsingar sem hægt er að finna í töflu 44 á bls. 114 í Risk Management Plan 2.0 hafi ekki verið kynntar fólki, en þar kemur fram að engar upplýsingar sé að finna um mikilvæga áhættuþætti á notkun Comirnaty fyrir:
a) Konur á meðgöngu eða meðan þær eru með barn á brjósti.
b) Þá sem eru ónæmisbæklaðir.
c) Þá er sem eru veikburða eða með undirliggjandi sjúkdóma. (Allt eldra fólkið okkar.)
d) Þá sem eru með sjálfsónæmissjúkdóma eða bólgusjúkdóma.
e) Notkun á Comirnaty með öðrum bóluefnum. (Planar sóttvarnalæknir ekki að bjóða þeim sem fengu AstraZenece að fá annan skammt af öðru bóluefn?)
f) Engar upplýsingar eru til um langtímaáhrif þessara bóluefna. (Ekki nema von þar sem þau eru í tilraunum til 2023.)
EKKERT HÆGT AÐ GERA
4 – Í töflum 45-52 á bls. 114-117 í Risk Management Plan 2.0 kemur fram að EKKI sé hægt að bregðast á neinn hátt (til bata) við þeim aukaverkunum sem þar eru upp taldar og geta verið afleiðingar af bólusetningu með Comirnaty (Pfizer/BioNTech).
Við teljum það því alvarlegt brot á mannréttindum að fólki hafi ekki verið kynntar þessar upplýsingar áður en það rétti fram handlegginn til að fá í sig þetta efni, svo og önnur bóluefni sem verið er að nota.
Jafnframt teljum við það því brot á mannréttindum að leyfa notkun á þessum efnum hér á landi,án þess að gera fólki grein fyrir því að það sé að taka þátt í tilraun og fræða það um þær ólæknandi aukaverkanir sem þeim geta fylgt, en ein af þeim er andlát, þrátt fyrir yfirlýsingar heilbrigðisyfirvalda um að þau sé alls ótengd bóluefnunum.
Við hjá samtökunum MÍN LEIÐ – MITT VAL förum því fram á að Velferðarnefnd taki þessi atriði til umfjöllunar og leiðrétti þessi mannréttindabrot nú þegar með því að stöðva allar bólusetningar í landinu.
Með vinsemd og virðingu
Kópavogi 11. júní 2021
Sigurlaug Þuríður Ragnarsdóttir
formaður MÍN LEIÐ – MITT VAL
Lesa alla greinina hér
GRAFEN OXÍÐ Í ÖLLUM TILRAUNAEFNUNUM
Sífellt fleiri rannsóknir á „tilraunaefnunum“ fara nú fram meðal vísindamanna sem EKKI vinna fyrir lyfjafyrirtækin. Ein þeirra var nýlega unnin við Háskólann í Almería á Spáni. Um hana var meðal annars fjallað hjá bandaríska fréttamanninum Stew, sem stýrir The Stew Peters Show[i] þar sem hann ræddi við Dr. Jane Ruby.
Bendi einnig á þetta viðtal á sama miðli, þar sem vísindamaður og fyrrum starfsmaður Pfi-zer fer í gegnum skráningar efnanna og staðfestir tilvist grafen oxíðs í þeim – og segir að það valdi stórskaða eða dauða. Sjá einnig myndbandið neðst á síðunni.
GRAFEN OXÍÐ í ÖLLUM „BÓLUEFNUNUM“
Það var teymi við verkfræðideild Háskólans í Almería sem stóð að rannsókninni. Þeir birtu niðurstöður hennar nýlega í skýrslu sem ber heitið: „Graphene Oxide Detection in Aqueous Suspension: Observational Study in Optical and Electron Microscopy.“ [ii]
Í skýrslunni sem vakið hefur mikla athygli kemur fram að kennsl voru borin á grafen oxíð (þýðing á graphene oxide skv. snara.is orðabók) í sýnum úr “bóluefnum” frá öllum helstu lyfjarisunum, þar með talið AstraZeneca, Pfizer, Moderna,[iv] Sinovac og Janssen frá Johnson & Johnson.
Í skýrslunni kemur skýrt fram að í hverju hettuglasi hafi verið að finna 6 ng (nanogrömm) af RNA og 747 ng af grafen oxíði. Með öðrum orðum þá var grafen oxíðið um 99.103% af innihaldsefninu í tilraunalyfinu.
Lesa alla greinina hér
AUKAVERKANIR BÓLUEFNANNA
maí 14, 2021
Varla fór það framhjá nokkrum sem fletti Morgunblaðinu í gær eða fylgdist með á samfélagsmiðlum að í blaðinu birtist auglýsing, þar sem bent var á ýmsar aukaverkanir tengdar Covid-bóluefnunum, sem dælt er í gríð og erg í fólk þessa dagana.
Ráðist var á Vilborgu Hjaltested greiðanda auglýsingarinnar og hún vænd um hræðslu-áróður. Sannleikanum verður gjarnan hver sárreiðastur, en væntanlega hefur Rúna Hauksdóttir Hvannberg forstjóri Lyfjastofnunar, svo og aðrir sem töldu að listinn í auglýsingunni ætti ekki við rök að styðjast, ekki kynnt sér upplýsingar og tölur á Vigibase nýlega.
Frá árinu 1978 hefur Uppsala Monitoring Center (UMC) haldið utan um alþjóðlega gagnagrunninn Vigibase [ii] fyrir WHO (Alþjóðaheilbrigðismálastofnunina) þar sem skráðar eru aukaverkanir af lyfjum. Á vefsíðu þeirra segir að tilgangur gagnagrunnsins sé að tryggja að fyrstu merki um öryggisvandamál tengd nýjum og lítt þekktum lyfjum séu greind eins fljótt og mögulega.
Lesa má alla greinina hér
NÆSTUM 20.000 AUKAVERKANIR TENGDAR AUGUM
NÆSTUM 20.000 AUKAVERKANIR TENGDAR AUGUM EFTIR BÓLUEFNIN
Í grein á vefsíðu Principia Scientific International[i], kemur fram að nokkur hundruð tilfella um blindu séu meðal þeirra 19.916 tilkynninga um aukaverkanir tengdar augum sem borist hafa til evrópsku eftirlitsdeildar Alþjóðaheilbrigðismálastofnunarinnar, eftir sprautuskammta af tilraunabóluefnunum gegn Covid-19[ii].
Þessar tæplega 20.000 tilkynningar um aukaverkanir tengdar augum hafa borist VigiBase, sem er gagnagrunnur fyrir WHO (Alþjóðaheilbrigðismálastofnunina) sem Uppsala Monitoring Centre (UMC) í Uppsala í Svíþjóð heldur utan um, og þar koma eftirarandi einkenni fram.
COVID SPURNINGAR ÁN SVARA
Febrúar 6, 2021
Það eru margir sem velta vöngum yfir ýmsum reglum, lokunum og hömlum í kringum COVID-19. Þær virðast oft ekki vera á rökum reistar og því varð þessi listi til. Ég fékk hann sendan frá vini mínum, en veit ekki hver setti hann upprunalega saman.
Ég birti hann hér, því sjálf hef ég spurt mig allra þessara spurninga oftar en einu sinni. Hugsanlega hefur þú líka gert það og komist að sömu niðurstöðu og margir aðrir. Það er verið að fela eitthvað fyrir okkur.
Lesa má alla greinina hér
Athugasemdir við bóluefnið frá Pfizer
„Eina sem við þurfum að óttast er óttinn sjálfur.“ – Franklin D. Roosvelt
Nýlega voru hafnar bólusetningar hér á landi með bóluefni frá Pfizer-BioNTech, sem er í raun ekki bóluefni í eiginlegum skilningi, heldur genabreytandi efni (breytir erfðaefni líkamans).
Eftir að landsmenn hafa hlustað á áróður dag eftir dag bæði úr raunveruleikaþætti þríeykisins svokallaða og í innlendum og erlendum fréttum um að enginn gæti andað léttar fyrr en bóluefni fengist, tóku heilbrigðisráðherra og sóttvarnalæknir fagnandi á móti bóluefninu.
Sóttvarnalæknir hafði reyndar tilkynnt rétt fyrir jól að hann hefði boðið Pfizer að setja upp rannsóknasetur á Íslandi og nota áhrif bóluefnisins á landsmenn við fjórða stigs tilraunir sínar með bóluefnið. Reyndar var smá slagur milli hans og Kára um hvor hefði átt hugmyndina.
Hvor sem átti hugmyndina er ljóst samkvæmt vefsíðunni ClinicalTrials.gov að gert er ráð fyrir að áframhaldandi rannsóknum á virkni bóluefnisins á fólk verði ekki lokið fyrr en í janúar árið 2023, þar sem enginn langtímaárangur hefur enn fengist. Pfizer hefur greinilega séð kostina í þessu tilboði og sent fleiri skammta af bóluefni hingað, enda ekki á hverjum degi sem þeim býðst að nota íbúa í heilu landi sem tilraunadýr.
Lesa má alla greinina hér
ATHUGASEMDIR VIÐ NÝ SÓTTVARNALÖG
Desember 2, 2020 
Þið sem hafið hlustað á stjörnuspekiskýringar Pam Gregory hjá mér kannist við smástirnið Eris, sem verður nú 10. desember í 90° spennuafstöðu við Plútó. Svo virðist sem Eris hafi þegar kveikt í mér uppreisnareldinn og þörfina til að verja eigin líkama, því ég sendi eftirfarandi bréf til allra þingmanna í morgun.
BRÉT TIL ÞINGMANNA
Ágæti þingmaður (ég nafngreindi reyndar hvern og einn í pósti til þeirra og sendi ekki fjöldapóst á alla)
Í gær var fullveldisdagur okkar, sem markaði mikilvæg tímamót í sjálfstæðisbaráttunni og leiddi til þess að við stofnuðum árið 1944 lýðveldið Ísland. Þá fengum við langþráð frelsi til svo ótal margra hluta. Lýðveldið byggir á þingræðislegu stjórnarfari – ekki einræði.
Fyrir Alþingi liggur nú tillaga að nýjum sóttvarnalögum. Í henni eru nokkur ákvæði, sem ég tel að samræmast ekki lýðræðinu, meðal annars eftirfarandi:
GÖTUN EÐA SKURÐUR Á HÚÐ
A – 5. gr Inngrip: Götun eða skurður í húð eða ísetning áhalds eða framandi efnis í líkamann eða rannsókn á líkamsholi. Með inngripi er [ EKKI ] átt við læknisrannsókn á eyra, nefi og munni, hitamælingu með eyrna-, munn- eða hörundshitamæli, eða hitamyndatöku, læknisskoðun, hlustun, ytri þreifingu, sjónuspeglun, töku þvag-, saur- eða munnvatnssýnis utan frá, mælingu blóðþrýstings utan frá eða hjartalínurit.
SKYLDUBÓLUSETNING
B – 7. gr Ónæmisaðgerð: Skipulögð aðgerð sem örvar ónæmiskerfið til að halda smitsjúkdómi í skefjum í samfélaginu, svo sem með bólusetningu eða gjöf mótefna.
Persónulega tel ég að það sé afar vafasamt að setja lög um skyldubólusetningu (reyndar þegar í lögum skv. frétt á mbl.is) þar sem fyrirhuguð er bólusetning með bóluefni sem hefur aldrei áður verið notað á mönnum – nema þeim fáu sem tóku þátt í mjög stuttum tilraunum með það.
Engar opinberar upplýsingar ligga fyrir um þær aukaverkanir sem komu fram á þeim stutta tilraunatíma. Algengt er að þróun á bóluefni taki mörg ár, allt að tíu ár í sumum tilvikum og að prófa þurfi það í minnst tvö ár, áður en það er sett í almenna notkun.
Lesa alla greinina hér
AUKAVERKANIR BÓLUEFNANNA
mars 18, 2021
MEGINATRIÐI GREINARINNAR:
1 – Öll svokölluð “bóluefni” við SARS-CoV-2 sem talað er um að geti valdið Covid-19 eru á neyðarleyfi. Þegar FDA eða Food and Drug Administration í USA veitti Pfizer/BioNTech og Moderna slíkt neyðarleyfi [i] byggðist sú ákvörðun á því að bóluefnunum yrði ekki veitt staðfest markaðsleyfi, fyrr en tilraunum með þeim væri lokið árið 2023.
2 – FDA gerði kröfu um „að í öllu kynningarefni tengdu Covid-19 “bóluefnunum”, kæmi skýrt og greinilega fram að FDA væri ekki búið að samþykkja og gefa út markaðsleyfi fyrir þeim, heldur einungis veitt þeim neyðarleyfi eða Emergency Use Authorization“. [ii]
3 – Samkvæmt neyðarleyfi er inndæling á efninu VALKVÆÐ. Sem dæmi: Það er þitt VAL hvort þú vilt þiggja eða hafna Covid-19 bóluefninu og ef þú velur að hafna því, mun það ekki hafa áhrif á almenna læknisþjónustu þína.
4 – Dr. Amanda Cohn, framkvæmdastjóri hjá CDC sagði [iii] „að ekki mætti skylda fólk í bólusetningu með efnum sem væru á neyðarleyfi. Í þessu bólusetningarferli (tilraunum) þurfa einstaklingar því að veita samþykki sitt og hvorki er hægt að lögbinda né skylda bólusetningu.“
5 – Aukaverkanir bóluefnanna eru fjölmargar. Þær hafa hvorki verið sundurliðaðar á vef Lyfjastofnunar né á covid.is en neðst í þessari grein er listi yfir þær helstu sem tilkynntar hafa verið í Bretlandi.
LESA ALLA GREININA HÉR
HRÖÐ FJÖLGUN AUKAVERKANA Í BRETLANDI
Ég hef áður fjallað um aukaverkanir hinna svokölluðu „bóluefna“ í greinum mínum og held áfram að gera það. Að mínu mati valda þessi „efni“ meiri skaða en gagni – sama hvað forsætisráðherra [i], heilbrigðisráðherra [ii], landlæknir [iii] og sóttvarnalæknir [iv] segja.
Á sjö vikna tímabili frá 24. janúar s.l. og fram til 14. mars s.l. fjölgaði tilkynningum í Bretlandi um alvarlegar aukaverkanir af Pfizer/BioNTech „efninu“ um 119,6% og eru tilkynningarnar nú orðnar 108.649 samkvæmt gögnum frá breska ríkinu. [v]
Á sama tímabili fjölgaði tilkynningum um alvarlegar aukaverkanir vegna AstraZeneca „efnisins“ um 1.302,77% – (já, þú last rétt – rúm þrettán hundruð prósent) – og er heildarfjöldi tilkynninga því orðinn 294.820 samkvæmt gögnum frá breska ríkinu. [vi]
403.469 TILKYNNINGAR – SAMT BARA UM 1%
LESA ALLA GREININA HÉR
YFIRLÝSING UM EINANGRUN VÍRUSA
Maí 1, 2021Eftirfarandi yfirlýsing er frá Sally Fallon Morell, MA, Dr. Thomas Cowan, MD og Dr. Andrew Kaufman, MD.
Einangrun: „Að einangra; sú staðreynd eða ástand að vera einangraður eða standa einn; aðskilnaður frá öðrum hlutum eða einstaklingum; einsemd. “ — Úr Oxford English Dictionary.
Deilurnar um það hvort SARS-CoV-2 vírusinn hafi einhvern tíma verið einangraður eða hreinsaður halda áfram. Hins vegar, með því að nota ofangreinda skilgreiningu, heilbrigða skynsemi, lögmál rökfræðinnar og fyrirmæli vísindanna, verður hver hlutlaus maður að komast að þeirri niðurstöðu að SARS-CoV-2 vírusinn hafi aldrei verið einangraður eða hreinsaður. Þess vegna er enga staðfestingu að finna um tilvist vírussins. Hið rökrétta, heilbrigð skynsemi og vísindalegar afleiðingar þessarar staðreyndar eru:
- Ekki er hægt að þekkja uppbyggingu og samsetningu einhvers sem ekki er sýnt fram á að sé til, þar á meðal nærveru, uppbyggingu og virkni einhvers ímyndaðs brodds eða annarra próteina;
- Erfðaröð einhvers sem aldrei hefur fundist getur ekki verið þekkt;
- „Afbrigði“ af einhverju sem ekki hefur verið sýnt fram á að sé til getur ekki verið þekkt;
- Það er ómögulegt að sýna fram á að SARS-CoV-2 valdi sjúkdómi sem kallast Covid-19.
Lesa alla greinina hér
ÞVINGUNUM BEITT VIÐ BÓLUEFNASAMNINGA
Mars 10, 2021Í mjög athyglisverðri grein á síðu The Bureau of Investigative Journalism [i] sem birt var þann 23. febrúar síðastliðinn kemur fram að lyfjarisinn Pfizer sé sakaður um að beita stjórnvöld í Suður-Ameríku þvingunum við samningsgerð vegna bóluefnasölu/-kaupa.
Fyrirtækið gerði kröfur til þess í samningum við Argentínu og Brasilíu að þjóðirnar settu eignir ríkisins, eins og sendiráðsbyggingar og herstöðvar sem tryggingu gegn hugsanlegum kostnaði vegna lögsókna í framtíðinni. Argentína og Brasilía hættu við að gera samning við Pfizer. Kannski er það þess vegna sem „brasilíska afbrigðið“ hefur skotið upp kollinum í Bretlandi, á meðan enginn kannast við það í Brasilíu, en þar hefur „enska afbrigðið“hins vegar skotið upp kollinum.
SARS-CoV-2 VÍRUSINN
Öll þessi afbrigði eru afar sérkennileg, þar sem SARS-CoV-2 vírusinn hefur aldrei verið einangraður [iii]. Auk upplýsinga hjá WHO og CDC í Bandaríkjunum, kemur það greinilega fram í svari við fyrirspurn sem send var til Landlæknisembættisins, en undir hana skrifaði Kjartan Hreinn aðstoðarmaður landlæknis, og í svari hans segir orðrétt:
„Við höfum engin frumgögn varðandi SARS-CoV-2, t.d. þau gögn er varða einangrun veirunnar og þá lífeðlisfræðilegu og sameindalíffræðilegu ástæður sem tengja veiruna við veirusjúkdóminn COVID-19.“
Lesa alla greinina hér
PCR PRÓF, LOKANIR OG MÚTUMÁL VEGNA COVID-19
Víða um heim hafa fallið dómar sem dæma PCR-prófin óhæf til að greina Covid-19 og lokanir ógildar. Fyrsti dómurinn féll í Portúgal í nóvember á síðasta ári og síðan hafa fallið dómar í fleiri löndum.
Í dómi gegn PCR prófunum sem féll í Austurríki kom einnig fram að ekki væri neinn lagalegur grundvöllur fyrir lokunum, eins og að þeim hefur verið staðið víða um heim.[i]
DÓMURINN Í PORTÚGAL
Enginn af stóru fjölmiðlunum í heiminum fjallaði um niðurstöður dómsins sem kveðinn var upp við áfrýjunar-dómstólinn í Lissabon í Portúgal, enda hafa stóru fjölmiðlarnir útilokað slíkar fréttir.
Blaðamaðurinn og rithöfundurinn Jon Rappaport var fyrstur til að greina frá þessum dómi og sagði að sóttkví (innilokun) hefði verið dæmd ólögleg, vegna þess hún hefði verið byggð á óáreiðanlegum PCR prófum.[ii]
Í niðurstöðu sinni vísuðu dómararnir Mararida Ramod de Almeida og Ana Paramés í nokkrar vísindarannsóknir, meðal annars frá Jaafar og fleirum.[iii] Í þeirri rannsókn kom fram að þegar PCR prófum er snúið í 35 hringi eða meira – falli nákvæmni þeirra niður í 3 prósent, sem þýðir að allt að 97 prósent af jákvæðum niðurstöðum gætu verið falskar niðurstöður.
Í niðurstöðu dómsins kom einnig fram að byggt á þeim vísindagreinum sem dómararnir hefðu lesið, væru öll PCR próf sem snúið væri í meira en 25 hringi fullkomlega óáreiðanleg.
SVONA ER ÞETTA GERT HÉR Á LANDI
Í svari frá embætti Landlæknis Íslands við fyrirspurn kom fram að við greiningar með PCR prófum hér á landi “eru og hafa alltaf verið notaðir 40 snúningar”. Sjá svarið á mynd hér að neðan.
Samkvæmt niðurstöðum dóma sem greint er frá hér á síðunni og upplýsingum á síðu WHO hafa greiningar allt síðast ár með PCR prófunum hér á landi veitt í 97% tilvika FALSKAR JÁKVÆÐAR NIÐURSTÖÐUR.
DÓMURINN Í AUSTURRÍKI, AÐRIR DÓMAR, ÞINGMENN ERLENDIS OG MÚTUMÁLIN.
Lesa alla greinina hér
HVERS VEGNA FÆKKAR SMITUM?
Ég rakst nýlega á fróðlegu grein á Off-Guardian fréttasíðunni. Efni hennar á að mínu mati erindi til okkar hér á landi, þótt tölur tengist öðrum löndum og sumar tilvitnanir í heimildir séu inn á erlendar síður, hef ég líka bætt inn tilvitnunum á íslenskar síður. Hér á eftir fylgir megininntak greinarinnar:
HVERS VEGNA FÆKKAR SMITUM?
Hinar ógnvekjandi rauðu tölur eru allar að lækka. Upplýsingar um slíkt má sjá í hvaða dagblað sem er eða inni á Covid upplýsingasíðum. Allar tölur um SMIT – ANDLÁT og SJÚKRAHÚSINNLAGNIR, hafa snarlækkað og jafnvel verið lágar í nokkrar vikur, einkum í Bandaríkjunum og Bretlandi. Sama á reyndar við hér á landi.
Ýmsir aðilar hafa í fjölmiðlum lagt fram mismunandi skýringar á þessum breytingum – allt frá bóluefnum til lokunaraðgerða eða samkomubanns – en það er í raun bara ein skýring sem „meikar sens“ eða telst vera skynsamleg.
TENGIST FÆKKUNIN BÓLUEFNUNUM?
Flestir gera væntanlega ráð fyrir – og eru í raun hvattir til þess af yfirvöldum og ýmsum sérfræðingum í fjölmiðlum – að breytinguna megi rekja til þess að þau bóluefni sem á markaðnum eru séu farin að skila árangri og hafi stöðvað smit „veirunnar“.
Getur verið að það sé málið? Ef betur er að gáð kemur þó í ljós að svo er ekki.
Það fór að draga úr smitum um miðjan janúar, löngu áður en bólusetningar fóru að skila einhverjum árangri. Ýmsir sérfræðingar tjáðu sig um málið, meðal annars Fauci.
Lesa má alla greinina hér
FLEIRI ÁHUGAVERÐAR GREINAR EFTIR GUÐRÚNU BERGMANN:
- 31 ÁSTÆÐA FYRIR ÞVÍ AÐ ÉG LÆT EKKI SPRAUTA MIG
- FINNSKUR ÞINGMAÐUR TALAR HREINT ÚT
- HEILBRIGÐISRÁÐHERRA Í VANDA
HEIMILDIR
Guðrún Bergmann Heimasíða www.gudrunbergmann.is
Guðrún Bergmann á Morgunblaðinu: gudrunbergmann.blog.is
Um höfund
- ✞༺(((( Ⓒilla ℜągnąℜṧ )))༻♚༺ BA Classical Art Historian || MA Culture & Media || Tourism & Sales Management || Web Design || Photo & Videographer for Tourism Magasins ༻
Síðustu færslur
Sigurlaug Ragnarsdóttir15. ágúst, 2024‘Really Chilling’: Five Countries to Test European Vaccination Card
MANNRÉTTINDI9. ágúst, 2024Lög um borgaralega handtöku voru felld úr gildi árið 2008
MANNRÉTTINDI9. ágúst, 2024Með sameiginlegu átaki náum við að koma Sævar Kolandavelu í þessa lífsnauðsynlegu aðgerð á mánudaginn.
Óflokkað30. maí, 2024GLÚMUR SEGIR ARNAR ÞÓR VERA MEÐ VITLAUSAR SKOÐANIR
