„Glæpsamleg – átakanleg lygi“ ESB-þingmaður fékk 7 milljónir áhorf á 24 tímum vegna gagnrýni á lygar lyfjarisans Pfeizer - mittval.is

„Glæpsamleg – átakanleg lygi“ ESB-þingmaður fékk 7 milljónir áhorf á 24 tímum vegna gagnrýni á lygar lyfjarisans Pfeizer


Bóluefnið var aldrei prófað til að koma í veg fyrir útbreiðslu smits

Hollenski ESB-þingmaðurinn Rob Roos hefur afhjúpað-, að hið svokallaða „bóluefni“ gegn covid-19 hafi aldrei verið prófað gegn útbreiðslu á smiti áður en það var sett á markaðinn og stjórnvöld þvinguðu fólk til að bólusetja sig.

„Þetta er hneyksli“ segir hann á Twitter (sjá neðar á síðunni) sínu og bendir á að „þetta eyði öllum lagagrundvelli Covid-vegabréfsins (bólupassans).“

Hollenski ESB-þingmaðurinn Robert „Rob“ Roos er úr hópi evrópskra íhaldsmanna og umbótasinna. Hann segist hafa komist að ótrúlegum lygum varðandi bóluefnin. Framkvæmdastjóri Pfizer viðurkenndi fyrir honum að „bóluefnið“ hafi aldrei verið prófað til að ganga úr skugga um að það kæmi í veg fyrir útbreiðslu smits áður en það var sett á markað. Nokkrum klukkustundum eftir að þingmaðurinn birti myndbandið höfðu milljónir manna séð myndbandið. Talan fór yfir 7 milljónir fyrsta sólarhringinn. Myndband hans hefur skapað gagnrýnisstorm á twitter sem aldrei áður hefur sést:

  • „Ef þú lætur ekki bólusetja þig ertu andfélagslegur.“ Þetta sagði hollenski forsætisráðherrann og heilbrigðisráðherrann okkur. „Þú bólusetur þig ekki bara fyrir sjálfan þig, heldur líka fyrir aðra. Þú gerir það fyrir allt samfélagið. Það var það sem þeir sögðu“ segir Rob Roos í myndbandinu.

Lygarnar kippa lagalegum grundvelli undan bólupassanum

  • „Í dag hefur það sýnt sig að þetta var eintóm della. Í framburði um Covid á ESB-þinginu, þá viðurkenndi einn stjórnenda Pfizer fyrir mér: að á þeim tíma sem það var kynnt hafði bóluefnið aldrei verið prófað varðandi stöðvun á útbreiðslu veirunnar. Þetta tætir sundur allan lagagrundvöll Covid vegabréfsins, sem leiddi til gríðarlegrar mismununar og fólk fékk ekki aðgang að nauðsynlegum hlutum samfélagsins. Mér finnst þetta átakanlegt, jafnvel glæpsamlegt.“

Í lok myndarinnar segir Rob Roos:

  • „Þetta er hneyksli. Milljónir manna um allan heim sáu sig knúna til að láta bólusetja sig vegna goðsagnarinnar um að „þú gerir það fyrir aðra“. Nú hefur þetta reynst tóm lygi. Það verður að afhjúpa þetta. Vinsamlega dreifið þessu myndbandi.“

Í yfirheyrslu þingsins spurði hann, hvort Covid bóluefni Pfizer hafi verið prófað til að sannreyna að lyfið stöðvaði útbreiðslu smits áður en það var sett á markað. Janine Small yfirmaður Pfizers svaraði m.a. að málið hafði ekki verið rannsakað:

  • „Nei. Við þurftum virkilega að hreyfa okkur á vísindalegum hraða til að skilja raunverulega það sem var að gerast á markaðnum… Út frá því sjónarhorni urðum við að gera allt út frá áhættu.“

Mesta hneykslismál samtímans

Breska GB News skýrði frá því í beinni útsendingu fyrr í vikunni, að reynt hefði verið að ná tali af Janine Small án árangurs en Rob Roos var í viðtali GB News vegna yfirheyrslunnar á ESB-þinginu.

Leiðandi fréttasíða Ástralíu news.com.au segist einnig hafa reynt að ná í Pfizer til að fá frekari athugasemdir án árangurs.

Rob Roos var einnig gestur Tucker Carlsons hjá Fox News (sjá myndband hér að neðan) og sagði þá að þetta væri„eitt mesta hneykslismál samtímans.“

Samkvæmt Politico hefur forstjóri Pfizer, Albert Bourla, hætt við að mæta til að svara spurningum hjá covid-nefnd ESB-þingsins.


HEIMILD

„Glæpsamleg – átakanleg lygi“ ESB-þingmaður fékk 7 milljónir áhorf á 24 tímum vegna gagnrýni á lygar lyfjarisans

  • 397 Posts
  • 0 Comments
✞༺(((( Ⓒilla ℜągnąℜṧ )))༻♚༺ BA Classical Art Historian || MA Culture & Media || Tourism & Sales Management || Web Design || Photo & Videographer for Tourism Magasins ༻