BARNAMÁLARÁÐSTEFNAN 2024
BARNAMÁLARÁÐSTEFNAN 19. OKTÓBER 2024
Fyrirlestur Kristínar Þormar
WHO, SÞ og WEF
Ég var beðin um að halda erindi hérna um WHO, SÞ og WEF, the World Economic
Forum vegna þess að ég hef mikið skrifað um þessar stofnanir á undanförnum fjórum
árum.
Öll þekkjum við Sameinuðu þjóðirnar og Alþjóðaheilbrigðismálastofnunina, WHO, en
líklega hafa færri hugmynd um hvað WEF er.
En hvernig tengjast þessar stofnanir málefnum barna, eins og þessum sem verið er að
fjalla um í dag?
Ég er klár á því að það mun koma mörgum ykkar mjög á óvart, sérstaklega varðandi
þessar stofnanir sem við öll þekkjum, SÞ og WHO.
Þar sem tími minn er naumur, ætla ég fyrst að renna bara örstutt yfir þessar stofnanir, og
vægast sagt myrkar hliðar þeirra bak við tjöldin, og svo mun ég segja ykkur hvaðan þessi
“kynfræðsla” barna er upprunnin, hvernig hún er skipulögð og hvað í henni felst, og ég
veit að mörgum ykkar mun bregða illilega.
The World Economic Forum, alþjóðaefnahagsráðið, eða bara WEF eins og ég mun
kalla það hér.
WEF samanstendur af hópi fólks, þar á meðal mörgum milljarðamæringum, sem hafa
tekið sér það vald að ráðskast með líf og örlög okkar hinna, sem eru bara gagnslausir
súrefnisþjófar í þeirra augum.
Þeir eru ekkert að leyna öllum fyrirætlunum sínum, þær má finna á vefsíðum þeirra. Og
athugið, EKKERT af þessu fólki hefur verið kjörið til neinna embætta “í þágu
mannkynsins”!
Þetta fólk hittist meðal annars í janúar ár hvert í Davos í Sviss, og þangað koma líka
fulltrúar alþjóðlegra stórfyrirtækja, lyfjafyrirtækja, og ýmissa alþjóðastofnana eins og SÞ
og WHO og “góðgerðarstofnana”, að ógleymdum þjóðarleiðtogum, kóngafólki, leikurum
og öðru frægu fólki.
Þess má geta að hinn nýi forseti Íslands, Halla Tómasdóttir sótti hliðarráðstefnur WEF í
Davos í gegnum sitt fyrra starf hjá B Team, en þar vann hún meðal annars að útbreiðslu
heimsmarkmiða Sameinuðu þjóðanna, sem ég mun koma að síðar.
Ég fann út eftir mikla leit í vor að Richard Branson forstjóri B Team útskrifaðist fyrir löngu
síðan sem Young Global Leader frá WEF, einhverjir hér vita hvað það er.
Sameinuðu þjóðirnar
Í fyrra horfði ég á mjög áhugavert viðtal við fyrrverandi framkvæmdastjóra SÞ að nafni
Calin Georgescu, en hann starfaði hjá SÞ í tvo áratugi sem sérfræðingur í sjálfbærni,
eða sustainable development. Hann sagði að þeim sé í dag stjórnað af glæpamönnum
sem nota stofnunina og völd hennar til að auðga sjálfa sig og hneppa mannkynið í
þrældóm.
Hann sagði líka að SÞ séu vettvangurinn fyrir þessa ólígarka eins og hann kallar þá, til
að stjórna heiminum, og þeir hittast einmitt í janúar á hverju ári í Davos á þessum WEF
ráðstefnum.
Víkjum nú að þessum 17 heimsmarkmiðum SÞ, en þau eru alheimsverkefni sem miðar
að því að gjörbreyta öllum þáttum mannlegrar tilveru. Það sem fæstir vita er, að hvert
einasta heimsmarkmið segir eitt, en þýðir í raun hið gagnstæða.
Það er allt of langt mál að fjalla um þau öll hér, en áhugasamir geta fundið ítarlega
umfjöllun mína um þau á Moggablogginu undir heitinu Kafað ofan í 17 heimsmarkmið
Sameinuðu þjóðanna.
Ég ætla þó að lesa hér svolítið eftir konu að nafni Alice Bailey, en hún var
hugmyndafræðingur að stofnun SÞ árið 1948, og eru þetta 10 undirstöðureglur SÞ og
undirstofnana þeirra eins og Unicef, Unesco og UN Women. Og þetta má finna á netinu.
Með fagurgala og fallegum litríkum plakötum er okkur talin trú um að ef við innleiðum
heimsmarkmiðin, þá muni það binda enda á fátækt, hungur, stríð, ójöfnuð, sjúkdóma, og
nánast skapa himnaríki á jörðu fyrir okkur öll.
Það er sorglegt að sjá að a.m.k. einhverjir skólar hér á landi eru bókstaflega orðnir
undirlagðir af þessum heimsmarkmiðum, en ég vil trúa því að flestir skólastjórnendur og
kennarar geri það í góðri trú, enda eru þau sett í svo afskaplega fallegan og göfugan
búning.
Og í gegnum þau fer innræting fram á börnunum!
Alþjóðaheilbrigðismálastofnunin. WHO
WHO er undirstofnun SÞ, og samanstendur að stórum hluta til af embættismönnum og
tæknikrötum, en ekki menntuðu heilbrigðisstarfsfólki sem leggur metnað sinn í að efla
heilbrigði mannkynsins.
Hún fær gríðarleg fjárframlög frá lyfjarisunum og “mannvininum” Bill Gates í gegnum Bill
& Melinda Gates Foundation, og það væri hrein einfeldni að sjá ekki að þessi gríðarlegu
fjárframlög eru ekki gerð í neinu góðgerðarskyni, heldur leið þeirra til að hafa áhrif og
völd innan stofnunarinnar.
Vissuð þið að Tedros Gebreyesus framkvæmdastjóri WHO er ekki læknismenntaður, og
að hann situr undir ákærum um þjóðarmorð í sínu heimalandi, Eþíópíu?
Er þetta rétti maðurinn til að stjórna heilbrigðismálum heimsins, og hvers vegna var
maður með slíkan bakgrunn kjörinn, og svo endurkjörinn í fyrra? Hvað finnst ykkur?
Það má finna ítarlega umfjöllun um hann og hans glæpaferil á óháðu
vefsjónvarpsstöðinni Kla.tv, undir nafninu Tedros mappan, og ég hvet fólk eindregið til að
horfa á hana.
Við sáum svo sannarlega ítök WHO hér á landi á Covid tímunum, þegar þáverandi
sóttvarnalæknir, Þórólfur Guðnason lagði á okkur alls konar tilskipanir og kvaðir sem
komu beint úr herbúðum WHO.
Þess má geta að nú vinnur WHO hörðum höndum að því að ná alræði yfir heilbrigðis- og
farsóttamálum heimsins! Aðeins þeir sem hafa kynnt sér málin, vita hvað það muni þýða
fyrir aðildarþjóðir WHO ef af verður, og það er hreinlega skelfilegt, þá verða allar
tilskipanir frá þeim lögbundnar.
Þá mun stofnunin geta lýst yfir einhverju neyðarástandi eins og t.d. farsótt, og getur þá
fyrirskipað að láta gera nánast hvað sem er við okkur!
Mannréttindasamtök sem ég er í stóð árið 2023 fyrir undirskriftasöfnun með ákalli til
ríkisstjórnar Íslands um að hafna yfirtöku WHO yfir heilbrigðis- og farsóttamálum okkar,
og var hún afhent forseta Íslands og umboðsmanni Alþingis í desember.
En viðbrögðin voru að sjálfsögðu engin.
Fyrrverandi starfsmaður WHO – og núverandi uppljóstrari að nafni Dr. Astrid
Stuckelberger, sem vann líka fyrir SÞ, var þátttakandi á nýlegri ráðstefnu hér á landi þar
sem fjallað var um spillingu. Þar fjallaði hún meðal annars um alla spillinguna og glæpina
gegn mannkyninu sem þessi stofnun er að fremja núna.
Það þyrfti að taka að minnsta kosti heilan dag í að ræða hvað fram fer á bak við tjöldin
hjá þessum stofnunum, sem fer allt fram undir því yfirskini að verið sé að bæta líf okkar
allra, þegar raunverulegi tilgangurinn er akkúrat hið gagnstæða.
Markmið þeirra er að fækka mannkyninu og koma á einni alheimsstjórn þar sem við
munum sjálf engu ráða um eigin líf lengur. Orð Klaus Schwab stofnanda WEF eru löngu
orðin fræg, árið 2030 munið þið ekkert eiga, og vera hamingjusöm.
Blessuð börnin
Þar sem þetta er barnamálaráðstefna, þá skulum við skoða hvernig, og hvers vegna
þessar stofnanir og þetta fólk notar börnin til að ná fram þessum illu plönum sínum.
Við fæðumst öll saklaus inn í þennan heim, og fyrstu æviárin okkar erum við að læra
hvernig lífið er, í umsjá foreldra okkar eða umráðamanna, við erum í raun eins og
ómótaður leir.
En það eru ekki bara þeir, heldur líka skólakerfið sem er orðið gríðarstór partur af
uppeldinu, allt frá leikskólum og upp úr.
Þar sem ég geri ráð fyrir því að þegar sé hérna búið að fjalla um óhugnanlega innrætingu
á börnum í skólakerfinu varðandi kyn, kynlíf, transmálefni og slíkt, þá ætla ég að fara
nánar í það hvaðan þetta kemur, sérstaklega af hálfu SÞ og WHO.
Þess má geta að ég er búin að skrifa töluvert um þessi heimsmarkmið, kynvæðingu
barnanna og fleiri málefni, og vera gestur í útvarpsþáttum þar sem þessi mál hafa verið
til umfjöllunar, þannig að ég er búin að kynna mér vel hvað raunverulega er að gerast
beint fyrir framan nefið okkar án þess að við föttum það, enda er það allt vel dulbúið.
En nóg um það.
Eins og fram kom hér að ofan, þá er SÞ í raun stjórnað af glæpamönnum sem nota þær
til að gera sig ennþá ríkari, og hneppa mannkynið í þrældóm.
Bill & Melinda Gates stofnunin hefur sett 1.27 milljarða bandaríkjadollara í að fjármagna
heimsmarkmiðin 17, sem líka er þekkt sem Agenda 2030.
En það sem fæstir vita er, að fyrir utan allt hitt sem líka er falið djúpt í
heimsmarkmiðunum eru viðurstyggilegar leiðbeiningar um “kynfræðslu” og
kynlífsvæðingu barna, þar á meðal að segja þeim að þau séu ekkert endilega fædd í
“réttu kyni”.
Það sem fólk hefur almennt ekki hugmynd um, er að þessi stofnun hefur gefið öllum
stefnumótandi yfirvöldum í Evrópu og þeim sem hafa yfirumsjón með heilbrigðis- og
kennslumálum um allan heim staðla um hvernig kynfræðslu barna skuli háttað.
Og athugið, þetta var gefið út árið 2010!
Íslensk stjórnvöld hafa samþykkt þessa staðla stofnunarinnar, sem og samsvarandi
staðla sem Sameinuðu þjóðirnar gefa út, og þetta erum við því miður að sjá raungerast í
íslenskum grunnskólum í dag.
Ég vona að það sem ég er að fara að segja núna veki ykkur hreinlega óhugnað.
Þessir staðlar – sem einmitt er líka búið að innleiða hér á landi eru hreint út sagt
viðbjóðslegir, og ganga út á að kyn- og kynlífsvæða börn nánast frá fæðingu.
Á blaðsíðu 38 í 68 blaðsíðna skjalinu „Standards for Sexuality Education in Europe“ sem
WHO hefur gefið út, eru meðal annars eftirfarandi leiðbeiningar fyrir leik- og grunnskóla:
• Börn á aldrinum 0-4 ára skulu læra um sjálfsfróun og þróa með sér áhuga á eigin
líkama og annarra.
• Börn á aldrinum 4 til 6 ára skulu læra um sjálfsfróun og þurfa hvatningu til að tjá
kynferðislegar þarfir sínar og langanir.
• Börn á aldrinum 6 til 9 ára skulu fá fræðslu um kynlíf, klám á netinu, leynilega ást og
sjálfsörvun.
• Börn á aldrinum 9 til 12 ára ættu að upplifa sína fyrstu kynlífsreynslu og læra að nota
klám á netinu.
Svo má líka finna þar “leiðbeiningar” fyrir eldri börnin.
Ég er með útprentun úr þessu skjali um þetta, sem ykkur er velkomið að skoða hér á
eftir.
Ég skrifaði Moggablogg í fyrra undir yfirskriftinni: Er kynfræðsla barna á Íslandi á réttri
vegferð? Þar getið þið fundið hlekk á síðuna WHO Collaborating Centre for Sexual and
Reproductive Health, þar sem þið getið sjálf náð ykkur í skjalið.
Og ég mæli EINDREGIÐ með að þið öll horfið á umfjöllun sjónvarpsstöðvarinnar Kla.tv
sem ber yfirskriftina WHO og SÞ – Burtu með perraputtana frá börnum, en þar er farið
ítarlega yfir þennan hrylling.
Ég hef horft á vídeó sem framleitt var á vegum WHO þar sem litlum hollenskum krökkum
er kennt hvernig best sé að fróa sér kynferðislega þannig að þau finni fyrir sem mestum
unaði, en Holland var eitt af fyrstu löndunum sem fór að innleiða þessar reglugerðir frá
WHO og SÞ.
Og þar í landi, kannski í sama skóla má sjá stór leikföng á leikvelli sem líta út eins og
kynfæri, jafnvel kynfæri í samförum, og ég hef séð teiknaða mynd úr kennslubók af
stúlku að að sleikja typpi. Ég er líka búin að horfa á vídeó með hollenskri móður í mikilli
geðshræringu, þar sem hún lýsti því hvernig börnum í leik- og grunnskólum er sagt að
sleikja kynfæri drengja, snerta kynfæri stúlkna þangað til þær finni unað, og þau látin
leika alls konar aðra “kynlífsleiki”.
Þessar “æfingar” eru hluti af skólaáætlun sem kallast „Spring Fever“, sem beitir þessum
leiðbeiningum sem Sameinuðu þjóðirnar og WHO hafa gefið út fyrir skóla um allan heim,
eins og ég sagði hér ofar.
Þeir staðhæfa nefnilega að kynfræðsla ætti að vera „yfirgripsmeiri“ og fela í sér
snemmtæka kynlífsupplifun barna í “öruggu umhverfi”.
Kla.tv
Vefsjónvarpstöðin Kla.tv hefur verið mjög ötul við að fjalla um ýmsar þær myrku hliðar
samtímans sem þessir meginstraumsfjölmiðlarnir snerta ekki á, enda ríkir gríðarleg
þöggun og ritskoðun þessi misserin.
Enda er flestum meginstraumsfjölmiðlum heimsins mútað með háum fjárframlögum,
og/eða eru í eigu þeirra sem vilja stjórna umræðunni.
Ég hef mikið velt fyrir mér hverjir stjórna umræðunni hér á landi, enda er þöggunin hér
algjörlega sambærileg.
Á dögunum birtist þar umfjöllunin Blendingsstríð gegn börnunum okkar. Þetta er mjög
áhrifarík og sláandi umfjöllun, og hér ætla ég að vitna í hluta hennar:
Kynlífsmyndir í grunnskóla:
Breyting á námskrá í Austurríki síðan haustið 2023 hefur gert ráð fyrir alhliða kynfræðslu.
Börn eru í nánast öllum skólagreinum kynvædd. Kennari í austurríska hverfinu
Vöcklabruck truflaði grunnskólabörn nokkrum sinnum með yfirgengilegri kynlífskennslu.
Kennarinn sýndi þriðju bekkingum alvöru myndir af ýmsum kynlífsathöfnum.
Eftir kvartanir frá foreldrum var í stað refsingar aðeins loforð frá kennara og skólastjórn
um að forðast slíkt óviðeigandi efni í framtíðinni. En aðeins ári síðar voru þessu slæmu
kennsluhættir endurteknir.
Kennarinn upplýsti foreldrana aðeins um áfallalausa vinnustofu hjá ljósmóður.
En þess í stað fengu grunnskólanemendur ítarlegar útskýringar með truflandi
kynlífsathöfnum, svo sem munnmök, í máli og myndum. Meðal annars sagði hún að þau
gætu stundað kynlíf saman þótt „ykkur líki ekki sérstaklega mikið við hvort annað“!
Hún sýndi bekknum ennfremur klámmynd þar sem hún spólaði aftur og aftur
kynlífsatriðið og neyddi börnin til að horfa á atriðið. Kennarinn varaði börnin líka við því
að þau mættu ekki tala við foreldra sína eða aðra um myndina! Það var fyrst eftir að tvær
stúlkur sögðu frá martröðum um að hafa verið nauðgað eftir myndina, sem málið komst
upp.
Og það er ekki nóg með að verið er að kynlífs- og transvæða blessuð börnin, heldur er
líka verið að normalísera barnagirnd, nú á að kalla barnaperra “Minor attracted persons”
eða fólk sem laðast að ólögráða börnum í stað barnaníðinga, sem þeir réttilega eru.
Ekki eigi að skilgreina barnaníð sem glæp eins og áður var, heldur sem óbreytanlega
kynhneigð, og að barnaníðingar eigi ekki lengur að þjást vegna utanaðkomandi fordóma
annarra.
Nú vilja SÞ og fleiri lögleiða afglæpavæðingu kynlífs með börnum, og t.d. hefur Bill &
Melinda Gates Foundation gefið milljónir dollara til frjálsra félagasamtaka sem leitast við
að normalísera vændi og kynlífsvæðingu barna yngri en 10 ára!
Með þessu á í raun að gefa barnaníðingum löglegt veiðileyfi á börnin!
Það sem hef séð af kynfræðsluefni fyrir íslensk skólabörn er hreinn viðbjóður. Aðspurð
hafa þau sem þessu stjórna hér á landi sagt að börnin hafi sjálf kallað eftir þessu, og að
betra sé að þau læri um kynlíf og klám í skólanum heldur en á netinu.
En ég stórefast um að börn frá leikskólaaldri til t.d. 10 – 11 ára aldurs séu nokkuð farin
að spá í slíka hluti, enda allt of ung til þess. Börn eiga bara að fá að vera börn meðan
þau eru það, og það er EKKERT rétt við þessa “fræðslu”, heldur allt rangt.
Hér er ein bók (Fávitar eftir Sólborgu Guðbrandsdóttur) sem er aðgengileg á
skólabókasöfnum, sem er með því ógeðslegasta sem ég hef séð. Ein móðir tók mynd af
einni blaðsíðunni og birti á Facebook, sem samstundis tók færsluna út vegna þess að
hún væri klámfengin, en slíkt efni þykir boðlegt börnum allt niður í sex ára aldur! Pælið í
því!
Og að lokum
Því meira sem ég kynni mér þessi mál, því meiri óhugnaði fyllist ég, og ótta um framtíð
barnanna sem nú eru að vaxa úr grasi, og þeirra sem enn eru ófædd.
Þau sem hafa lent í kynferðislegu ofbeldi á unga aldri, eða séð eða upplifað eitthvað sem
særir blygðunarkennd þeirra, eins og t.d. klám, vita að það getur svo sannarlega skaðað
þau fyrir lífstíð, og jafnvel gert þeim illkleift að eiga eðlileg ástar- og kynlífssambönd við
annað fólk í framtíðinni.
Með því að heilaþvo börn kynferðislega frá unga aldri er hægt að koma röngum og
stórskaðlegum hugmyndum inn í kollana á þeim, og þá munu vaxa upp kynslóðir með
jafnvel stórbrenglaða sýn á lífið og tilveruna, vitandi hvorki hvort þau séu stelpur, strákar,
eða jafnvel kettir!
Svo, hvað er þessi “fræðsla” annað en kynferðislegt ofbeldi gegn börnum?
Og þetta er djúpt falið í heimsmarkmiðunum, að jaðarsetja gagnkynhneigð, innleiða
LGBTQ stefnuna, eyðileggja fjölskylduna, og draga úr forræði foreldra yfir börnunum,
algjörlega unnið eftir hugmyndafræði Alice Baily.
Áætlanir WEF um örlög okkar, og heimsmarkmið SÞ eru nátengd, að vinna að því að
koma á einni alheimsstjórn, svo það er alveg “tær snilld” að brengla börnin meðan þau
eru ung.
Munurinn er þó sá, að Ísland og fleiri aðildarlönd SÞ hafa skrifað undir, og skuldbundið
sig að innleiða heimsmarkmiðin, en WEF hefur ekki fengið heimild til eins né neins svo
ég viti til.
Og þess má geta að núna í september s.l. undirritaði Bjarni Benediktsson
forsætisráðherra “Sáttmála fyrir framtíðina” á fundi SÞ í New York, en hann er byggður á
heimsmarkmiðunum.
Að lokum vil ég benda fólki á að það er til mikið af efni hér á landi sem hefur verið skrifað
undanfarin fjögur ár um þessar stofnanir og þeirra plön og myrkraverk, allt fullt af
tilvísunum og sönnunargögnum, og má finna mikið af því inni á Moggablogginu og víðar.
Einnig á gríðarmörgum óháðum erlendum fréttamiðlum og vefsíðum, maður þarf bara að
kunna að leita upplýsinga á réttum stöðum, og alls ekki á hinu ritskoðaða Google.
Takk fyrir áheyrnina, ég vona að þessi umfjöllun veki ykkur rækilega til umhugsunar um
hvað verið er að gera börnunum okkar.
BARNAMÁLARÁÐSTEFNAN 17. NÓVEMBER 2024
COVID SPRAUTUEFNI FYRIR BÖRN
STRÍÐIÐ GEGN BÖRNUNUM!
Á barnamálaráðstefnunni sem haldin var þann 19. október síðastliðinn fjallaði ég um
WHO, SÞ og WEF, en tvær þær fyrrnefndu hafa gefið út viðurstyggilegar
“kynfræðslu”leiðbeiningar fyrir börn, sem verið er að innleiða í aðildarlöndum þeirra, þar
með talið hér á Íslandi.
Ég skrifaði Moggablogg um ræðuna mína sem nefnist: Hvaðan kemur þessi kyn- kynlífs-
og trans”fræðsla” barnanna okkar?, og þar má finna hlekki á upptökur með ræðum okkar
Helgu Birgisdóttur hjúkrunarfræðings og ljósmóður, sem fjallaði um transmeðferðir barna,
og hvaða óafturkræfu afleiðingar þær hafa á þau.
Í dag ætla ég að fjalla aðeins meira um þennan hrylling, svo baktjaldaverkefni UNICEF
sem við þekkjum sem Barnahjálp SÞ. Svo ætla ég að bjóða ykkur í bíó!
Það verður aldrei of oft sagt, að WHO og SÞ eru að kyn- og kynlífsvæða lítil börn um
allan heim og normalísera barnagirnd og barnaníð, og það er vel falinn partur af þessum
skelfilegu heimsmarkmiðum SÞ.
“Skólarnir verða að undirbúa börn fyrir kynlífssambönd”, segja þessir krimmar!
Og hvað erum við að sjá í dag? Þetta er þegar farið að raungerast í íslenskum skólum,
að minnsta kosti einhverjum þeirra!
Hvað fyndist ykkur ef einhver fjölskyldumeðlimur eða vinur segði þetta við barnið ykkar:
Finndu þínar fantasíur
Fantasíur sem koma þér til
Kossar geta verið mjög örvandi
Prufaðu alls konar kossa, stutta, langa, fasta, djúpa, með tungu og án
Skoðaðu kynfærin þín í spegli
Hvað finnst þér gott?
Má ég klæða þig úr?
Viltu prófa eitthvað annað?
Mynduð þið treysta viðkomandi til að vera í einrúmi með barninu ykkar?
Fyrir þá sem ekki vita, þá er þetta fengið úr plakati úr Viku6 hjá Reykjavíkurborg, en
sjötta vika ársins 2023 var tileinkuð kynlífi og kynferðislegri hegðun, og var þetta ásamt
fleiri svipuðum plakötum uppi á veggjum í ýmsum skólum þar sem allir aldurshópar gátu
séð þetta, allt niður fyrstubekkinga.
Í mínum huga hljómar þetta frekar eins og eitthvað úr munni barnaníðings sem ætlar að
tæla og misnota barn.
Og pælum aðeins í þessu hér:
Hvers vegna er t.d. búið að koma á lögum um kynrænt sjálfstæði, og hvaða della eru
þessi nýju orðskrípi leghafi, hán, kvár, cis, stálp, stórforeldri, eða foreldri foreldris, í stað
afa og ömmu, eins og Píratar og Viðreisn vilja?
Hvers vegna mega karlmenn sem segjast vera konur keppa í kvennaíþróttum og bera
kynfæri sín í búningsklefum kvenna, hvers vegna mega þeir fara í kvennafangelsi, og
hvers vegna er verið að gera salerni “kynhlutlaus”?
Hvers vegna eru flatbrjósta karlmenn látnir auglýsa t.d. sundföt kvenna, og jafnvel
túrtappa?
Og hvers vegna eru stífmálaðar dragdrottningar með skrautlegar hárkollur fengnar til að
lesa hinsegin sögur fyrir börn í skólum, eins og ég hef séð t.d. í USA, og hvers vegna eru
fáklæddar dragdrottningar, allt karlmenn að sjálfsögðu, fengnar til að “skemmta” börnum,
glennandi sig kynferðislega framan í börn og jafnvel með kynferðislega tilburði hver við
annan?
Svo er líka er farið að rífast um hvað kona sé, eins og það sé eitthvað vafamál!
Haldið þið að þetta séu allt bara tómar tilviljanir?
Nei öðru nær!
Staðreyndin er sú að það er skipulega verið að eyðileggja hina hefðbundnu fjölskyldu og
fjölskyldugildi, eins og ég nefndi á síðustu barnamálaráðstefnu.
The War on Children
Ég horfði um síðustu helgi á mjög áhrifaríka mynd sem nefnist The war on children, eða
stríðið gegn börnunum, þar sem fjallað er um þessi málefni.
Þar kom fram að þetta stríð fer fram nánast á öllum sviðum á lúmskan hátt, á
samfélagsmiðlunum, í skólunum, sjónvarpsefni, auglýsingum, barnafatnaði, leikföngum,
kennslubókum, barnabókum, tímaritum og víðar.
Alls staðar er verið að flagga, hylla og normalísera samkynhneigð, kynvæðingu barna,
kynjarugling, og þetta trans-agenda.
Það er hægt að horfa ókeypis á þessa mynd á x.com, en sjálfur Elon Musk póstaði henni
þar. Hann er ekki hlutlaus, því sonur hans féll í trans gildruna, og er ekki lengur í
samskiptum við föður sinn.
Þið getið fundið myndina þar ef þið leitið eftir textanum: Worth watching, especially for
parents. Þetta er frekar löng mynd, en það er svo sannarlega þess virði að horfa á hana.
Eitt helsta vopnið í þessu stríði gegn börnunum eru samfélagsmiðlar eins og t.d. TikTok,
en í gegnum þá hafa ótal ungmenni verið blekkt til að trúa að þau séu í “röngu” kyni, og
hvött og ýtt út í transmeðferðir, en slíku efni hefur verið skipulega haldið að þeim, jafnvel
líka klámfengnu efni í gegnum algóriþma.
Til verður eitthvað sem kallast “social contagion”, sem þýða mætti sem samfélagssmit,
sem læðist inn í huga barnanna og unglinganna án þess að þau geri sér nokkra grein
fyrir.
Þessi meinsemd hefur því miður líka náð hingað til Íslands.
Og þetta er múlti milljarða bisness, hormónameðferðirnar, að skera brjóst og kynfæri af
börnum – og fullorðnum líka, sem geldir þau, og gera þau svo að ævilöngum
áskrifendum að lyfjum og læknisaðgerðum til að laga skaðana.
Þetta “kynfræðslu”efni sem börnum og unglingum er boðið upp á í skólunum í dag, bæði
hér á landi og í öðrum löndum, er ekkert annað en “grooming”, eða undirbúningur og
tæling, og andleg nauðgun, eins og einhver sagði.
Hugsið ykkur, kennarar hafa verið reknir, og jafnvel fangelsaðir fyrir að neita að kenna
þessi “fræði”! Finnst einhverjum það eðlilegt?
Kíkjum aðeins á hvað er á bak við grímu UNICEF
UNICEF, eða Barnahjálp SÞ er á yfirborðinu stofnun sem vinnur að velferð og þörfum
barna um allan heim, og hefur í gegnum Barnasáttmálann mótað áætlun sem eigi að
hjálpa til við að tryggja vellíðan og virðingu fyrir öll börn, en í raun styður UNICEF
prógrömm um stjórnun mannfjölda – lesist, fólksfækkun, í gegnum stofnanir – eða sjóði
eins og:
The World Bank – Alþjóðabankann
UNDP – The UN Development Programme, eða Þróunaráætlun SÞ
WHO – Um áætlanir og glæpi þeirrar stofnunar hef ég bloggað mikið um!
UNFPA – The UN fund for population activities, eða Sjóður SÞ fyrir
mannfjöldastjórnun
IPPF – International Planned Parenthood Federation, Alþjóðasamtök um
fjölskylduáætlanir
PC – Population Council, Mannfjöldaráðið, en svo “skemmtilega” vill til að það eru
óhagnaðardrifin samtök sem voru stofnuð árið 1952 af John D. Rockefeller III
En eins og flest sem frá SÞ kemur, þá er öllu pakkað inn í afskaplega fallegt orðskrúð
eins og í heimsmarkmiðunum. Það sama má segja um opinberan tilgang margra
undirstofnana þeirra, ef ekki allra.
Vissulega hafa SÞ og undirstofnanir þeirra gert margt gott í gegnum tíðina, skárra væri
það nú! En á bak við tjöldin er ýmislegt framkvæmt sem okkur er falið, enda er þeim
stjórnað af glæpamönnum, eins og kom fram í fyrri fyrirlestri mínum.
Þessi fækkun mannkynsins byrjaði af krafti með Covid “bóluefnunum”, sem hafa drepið
a.m.k. tugi milljóna, og skaðað enn fleiri varanlega, líka hér á Íslandi.
Ég var einmitt í gær að hlusta á nýtt viðtal við fyrrum framkvæmdastjóra SÞ, Calin
Georgescu, þann sama og ég sagði frá síðast. Hann er Rúmeni, og er nú í framboði til
forseta landsins.
Verði hann kjörinn, ætlar hann að afnema stjórn alþjóðahyggjunnar, eða glóbalismans,
og endurheimta fullveldið í heimalandi sínu, væntalega með úrsögn úr SÞ og WHO.
Annar fyrrum framkvæmdastjóri SÞ segir að tugir þúsunda nauðgana og kynferðisbrota á
börnum og konum hafi verið framin af starfsmönnum SÞ undanfarinn áratug, 3.300 séu
barnaníðingar, enda er það vitað slíkt fólk sækist gjarnan eftir því að starfa með börnum.
Þeir skýla sér á bak við það að vera starfsmenn SÞ. Í ljósi þess er þeim treyst, svo þeir
geta auðveldlega komist upp með sín níðingsverk gegn börnum. Og að sjálfsögðu er allt
þaggað niður.
SÞ, undirstofnanir þeirra og samstarfsaðilar, margar stofnanir sem við þekkjum kannski
ekkert til, eru kynntar sem sjálfstæðar stofnanir, en eru í raun viðamikil alþjóðleg áætlun
um stórtæka fækkun mannkynsins eins og ég nefndi hér að ofan, og eyðileggingu
samfélaga okkar, eins og þið sjáið á myndinni.
Ítarlegar upplýsingar um þetta má finna á vefsíðunni preventgenocide2030.org, og ég
hvet ykkur öll að fara inn á hana til að fræðast meira.
Ég var búin að skrifa miklu meira til að segja hérna þegar ég fann 11 mínútna
fræðslumynd sem ég vil leyfa ykkur að horfa á, hún kemur inn á allt sem ég ætlaði að
segja, og meira til.
Við skulum horfa saman á hana, hún heitir líka The war on children eins og sú sem ég
nefndi áðan, og svo ætla ég að segja nokkur lokaorð, gjörið svo vel.
The War on Children_ The Comprehensive Sexuality Education Agenda
https://vimeo.com/914992295
Jæja, hvað finnst ykkur um myndina, finnst ykkur hún ekki sláandi? Ég vona svo
sannarlega að hún opni augu ykkar fyrir því að það sem hér hefur komið fram er napur
sannleikur, en hér náði ég aðeins að klóra í yfirborðið.
Það er hægt að horfa á lengri útgáfu af þessari mynd með ítarlegri upplýsingum á
vefsíðunni stopcse.org, en cse stendur fyrir Comprehensive Sexuality Education. Einnig hvet ég ykkur til að fara á vefsíðuna stopworldcontrol.com/children, en þar er
gríðarlega umfangsmikil umfjöllun um þessa viðbjóðslegu kynvæðingu barna um heim
allan.
Allir, og þá sérstaklega foreldrar skólabarna VERÐA að gera sér grein fyrir því hversu
hryllilega skaðlegri hugmyndafræði er verið að troða inn í kollana á börnunum í dag,
sérstaklega í skólunum, þar sem þau eiga að vera örugg!
Rísið upp og stöðvið þessari aðför að börnunum ykkar áður en það verður orðið of seint,
og búið að skemma huga barnanna ykkar fyrir lífstíð.
Þið sem foreldrar eruð sterkasta röddin, enda er það ykkar hlutverk og skylda að vernda
börnin ykkar!
Takk fyrir áheyrnina.
Um höfund
- ✞༺(((( Ⓒilla ℜągnąℜṧ )))༻♚༺ BA Classical Art Historian || MA Culture & Media || Tourism & Sales Management || Web Design || Photo & Videographer for Tourism Magasins ༻
Síðustu færslur
PROTECT THE CHILDREN23. nóvember, 2024BARNAMÁLARÁÐSTEFNAN 2024
MANNRÉTTINDI19. nóvember, 2024MENNTASPJALL VALGERÐAR SNÆLAND JÓNSDÓTTUR
Sigurlaug Ragnarsdóttir15. ágúst, 2024‘Really Chilling’: Five Countries to Test European Vaccination Card
MANNRÉTTINDI9. ágúst, 2024Lög um borgaralega handtöku voru felld úr gildi árið 2008
