SKEMMDARVERK Á SKÖPUN GUÐS
SKEMMDARVERK Á SKÖPUN GUÐS
Christine Beadsworth[i] býr í Suður-Afríku. Hún er mjög trúuð, talar tungum og sér inn í framtíðina. Hún hefur frá árinu 2006 skrifað og birt greinar með efni sem hún fær í gegnum Guðlegar leiðbeiningar. Í þessari grein fjallar hún um þær lyfjatilraunir, sem verið er að þvinga alla heimsbyggðina í og þau áhrif sem þær eru að hafa á líkama fólks.
Hún segir að með þeim sé verið að eyðileggja hið magnaða sköpunarverk Guðs, sem líkaminn er. Ég hef nú ekki sinnt Biblíulestri mikið í gegnum tíðina, en þessi umfjöllun Christine er að mínu mati mjög mögnuð og nátengd trúarlegum textum í Biblíunni. Ég hef við þýðinguna að mestu notast við íslenskan texta af biblian.is, nema þar sem Christine hefur verið með sértæk orð sem eru ekki eins og íslenski textinn. Þá hef ég haldið hennar orðum.
Ég hvet þig til að lesa þessa grein eins og sögu – sem gæti verið sönn og meta svo í lokin hvort svo er. Hún er fljótlesin, en afar fróðleg og hér með gef ég Christine Beadsworth orðið:
HEILAGUR ANDI MEÐ SKILABOÐ
„Heilagur andi hefur verið að tala við mig um þá kröftugu herferð sem haldið er uppi um allan heim, sem snýst um að koma einhverju, sem lítur út fyrir að vera lyf, með nál inn í allar mannverur á plánetunni. Ég hef í gegnum drauma fengið opinberanir og skilning, sem ég tel mig knúna til að deila í nokkrum póstum.
Hann byrjaði á því að sýna mér heildarmyndina frá sjónarhorni Guðs. Hann fylgist með því hvernig skemmdarverk er framið á hinni fallegu sköpun hans. Myndræna birtingin sem Heilagur Andi notaði var fallega byggð höll, umkringd háum veggjum. Þessi stórkostlega og veglega bygging var varin dag og nótt fyrir óboðnum gestum og einungis konungurinn og hans sérvalda aðstoðarfólk fékk aðgang.
Dag einn var mjög eyðileggjandi tæki smyglað inn í höllina í gegnum einn af vikapiltunum og konungurinn var ómeðvitaður um að í miðju hásætisherberginu, hefði óvinurinn komið fyrir handbendi sínu.
Við getum séð sömu sviðsmynd í staðsetningu Haman við hliðina á Xerxes. Ómeðvitaður um hættuna, afhendir Xerxes konungur Haman innsiglishring sinn og gefur honum leyfi til að senda út dauðatilskipun. (Ester 3:8)[ii]
KIRNI FRUMUNNAR ER HÖLLIN
Kirni (nucleus) mannsfrumunnar er þessi veggjum girta höll. Mannsfruman er búin til með veggjum sem umlykja þetta kirni, til að vernda handrit DNA-sins sem í kjarnanum er. Líkt og veggir sem reistir eru í kringum höll til að vernda þann sem stýrir þjóðinni, er þessi mjög svo mikilvæga ritun (það sem ritað er í DNA-ið) varin fyrir ræningjum.
Engu er leyft að rjúfa þennan vegg og einungis sendiboðar sem hægt er að treysta fullkomlega, fá aðgang að þessum heilaga stað. Innan úr frumukjarnanum, sendir DNA-ið frá sér skipanir, sem fluttar eru af skilaboða-RNAinu í gegnum ytri vegg frumunnar, til frymisfléttunnar (golgifléttunnar eða golgikerfisins), sem sér um að búa til prótín til að byggja upp og styrkja líkamann. Engu öðru efni er leyft að fara í gegnum þennan vegg, öðru en hinu manngerða mRNA-i. Því er treyst til að flytja og koma á réttan stað þeim skilaboðum sem það ber.
Eitt sinn heyrði ég plöntuveirufræðing lýsa mRNA-inu sem innkaupakerru. Það má setja í það hvað sem er og mRNA-ið mun flytja það á tilætlaðan ákvörðunarstað. Gera má ráð fyrir að það gangi vel, svo framarlega sem ekki er verið að trufla starfsemi líkamans. Við erum undursamlega sköpuð. mRNA-ið sér samviskusamlega um að flytja skilaboðin, sem DNA-ið sem dvelur í hinni veglegu byggingu frumunnar sendir frá sér.
Sálmur 139:14 Ég lofa þig fyrir það að ég er undursamlega skapaður,undursamleg eru verk þín, það veit ég næsta vel.; 139:15 Bein mín voru þér eigi hulin þegar ég var gerður í leyndum, myndaður í djúpum jarðar. 139:16 Augu þín sáu mig er ég enn var ómyndað efni, ævidagar mínir voru ákveðnir og allir skráðir í bók þína áður en nokkur þeirra var til orðinn.[iii]
DNA MANNSINS ER MERKT GUÐI
Vissir þú að sér hver þráður í DNA-i mannsins er merktur nafni Guðs? „Hvernig?“ kanntu að spyrja… Hann hefur ritað nafn sitt á súlfíðasambönd sem tengja saman þá tvo táknþræði DNA-sins sem koma á eftir 10. pari af kirninu (grunneining kjarnasýrunnar eða núkleótíðið), aftur eftir 5. parið, síðan 6 pörum síðar og svo enn á ný 5 pörum síðar.
Tíundi stafur Hebreska stafrófsins er yod. Fimmti stafurinn er hey. Sjötti stafurinn er vav. Yod, hey, vav, hey er því „Yahweh“. Ég endurtek það aftur – Nafn Guðs er á öllum litningum mannsins. Þið eruð sköpuð í hans mynd og innsigluð af nafni Skapara ykkar.
Sérhver fruma í líkamanum er merkt gæðastimpli! Það er þessi Guðlegi gæðastimpill, sem óvinurinn vill afmá. Með því að sprauta hlöðnu skilaboða-RNA-i inn í frumurnar, er hægt að læða brotum af framandi DNA-i í gegnum vandlega varða veggi kirnisins (frumukjarnans) og troða innihaldinu inn í það handrit DNA-sins sem Guð ritaði fyrir þig.
Það er eins og að líma nokkrar blaðsíður úr bók falsks söguritara inn í miðju þeirra grunnskilaboða sem Guð ritaði. Með þessu er í raun verið að afmá nafn Guðs, sem ritað er í súlfíðasambönd DNA-sins.
SKEMMDARVERK Á SKÖPUN MANNSINS
Verið er að fremja skemmdarverk á hinni undursamlegu sköpun Guðs, sem skapaði manninn í sinni mynd. Frá því augnabliki sem splæsingin hefur átt sér stað, eru ekki lengur sendar út fyrirskipanir frá höllinni um líf, heilsu og öryggi fyrir líkamann, heldur kemur hið framandi DNA til með að hlaða upp mRNA-i í innkaupakerruna, með leiðbeiningum fyrir prótínverksmiðjuna í frumunni utan við höllina, um að byrja að framleiða broddprótín óvinarins.
Prótínverksmiðjan gerir það sem henni er sagt að gera. Þær skipanir sem berast frá höfuðstöðvunum eru samstundis settar í framkvæmd. Í stuttu máli má segja, að þegar búið er að sprauta ólyfjaninni inn í líkamann, er búið að hertaka sérhverja höll sem varið hefur handritin með nafni Skaparans og þröngva henni til að gefa tilskipanir um framleiðslu á drápsvopnum – sem munu ekki einungis drepa þig á einhverjum tímapunkti, heldur líka fólkið í kringum þig. Þetta snilldarlega skipulagða valdarán fram fer um allan heim, með það eitt að leiðarljósi að koma Guði frá völdum yfir sköpun sinni. Hver er á bak við þetta löðurmannlega samsæri? Hvað segir ekki í sálmi 2?[iv]
Sálmar 2:2 Konungar jarðar rísa upp, höfðingjar ráða ráðum sínum gegn Drottni og hans smurða; 2:3 „Vér skulum slíta fjötra þeirra og varpa af oss viðjum þeirra.“
Orðið fjötur getur þýtt: „sáttmáli, band, aðhald, hlekkur.“ Eru það ekki hin vandlega staðsettu súlfíðasambönd með nafni Guðs, sem verið er að slíta í sundur með innihaldi tilraunaefnanna? Orðið „fjötur“ á Hebresku þýðir líka „snúið reipi, þykkar trjágreinar.“
Er DNA-ið ekki fléttað eins og reipi? Hugsanlega getið þið nú séð áætlun konunga jarðarinnar; elítunnar, sem hefur safnað sér saman á móti Drottni. Áætlun þeirra er að ræna sköpun Hans, eyðileggja ímynd Hans, afmá ritun Hans og umbreyta líkama mannsins í erfðabreyttan mann, sem er að hluta maður og að hluta tölva, sem hægt er að stjórna að utan.
HLJÓMAR EINS OG VÍSINDASKÁLDSAGA
Ég veit að þetta hljómar eins og vísindaskáldsaga, en því miður er þetta satt. Satan hatar alla þá sem skapaðir eru í Guðs mynd, sérhvern mannslíkama, sem ætlað er að verða dvalarstaður Anda hans og taka daglega á móti boðsendingum frá Hásæti Himnanna (kirninu).
Í margar aldir hefur Satan verið sáttur við að spilla líkama og sálum manna með því að tæla þá til að syndga á einn eða annan hátt, en metnaður hans hefur þó alltaf verið sá að sitja í því sæti í líkama mannsins, sem einungis var ætlað Guði.
Síðara Þessaloníkubréf: 2:4 sem setur sig á móti Guði og hreykir sér yfir allt sem heitir Guð eða helgur dómur, sest í musteri Guðs og gerir sjálfan sig að Guði.[v]
Margir eru að bíða eftir því að þriðja hofið verði reist, svo að Andkristur geti komið og setið í því, en LÍKAMI KRISTS ER ÞRIÐJA HOFIÐ; hof sem ekki er byggt með höndum – og hin djöfullega blekking sem nú viðgengst er fyrsta skrefið í þeirri áætlun að setja þann viðbjóð sem veldur eyðileggingunni, inn í helgasta stað þriðja hofsins! Á þann helga stað, þar sem ritað er hið einstaka handrit Skaparans í virkinu sjálfu – hefur óvinurinn nú þegar hafið upp stríðsöskur sitt.
Hversu viðeigandi er ekki stríðsöskur (háreysti) sálmaskáldsins í sálmi 74:
Sálmar 74:3 Bein skrefum þínum að rústunum endalausu, óvinurinn eyddi öllu í helgidóminum,
74:4 fjandmenn þínir höfðu uppi háreysti á samkomustað þínum og reistu þar skurðgoð sín (sem tákn um sigur) 74:5 Þeir hjuggu eins og sá sem sveiflar öxi í þéttum skógi, 74:6 brutu útskurðinn með öxum og hömrum, 74:7 og lögðu eld í helgidóm þinn, vanhelguðu bústað nafns þíns og jöfnuðu við jörðu. 74:10 Hversu lengi, Guð, fær andstæðingurinn að hæða þig? Á óvinurinn að smána nafn þitt um aldur og ævi? 74:11 Hví dregur þú að þér hönd þína, hví geymir þú hægri hönd þína í barmi þér? Þeir hafa svívirt dvalarstað nafns þíns.
TRÚAÐIR NEYDDIR TIL AÐ TAKA ÁSTUNGU
Það eru engin orð sem lýsa betur því sem er að gerast um allan heim í mannslíkamanum. Og hjá sérhverri þjóð eru trúaðir neyddir til að taka þessa ástungu sem á að vera heilsubætandi. Er þetta ekki „hið mikla trúarfráhvarf“ sem lýst er í Síðara Þessaloníkubréfi 2:3? Látið engan villa ykkur á nokkurn hátt. Ekki kemur dagurinn nema fráhvarfið komi fyrst og maður lögleysisins komi fram, sonur glötunarinnar,
Heildaráformið er að skilja þriðja hofið eftir innantómt, eyðilagt, á valdi og undir yfirráðum hins forna óvinar sem alltaf sóttist eftir hásæti Guðs og tilbeiðslu á brúði Guðs (Brúður Guðs er kirkjan).
Apostasia, er gríska orðið yfir „trúarfráhvarf“ og þýðir „svik við málstað sannleikans“ og kemur frá Strongs G647[vi] og þýðir „að afneita, vísa á bug eða skrá aðskilnaðinn“. Hversu þýðingarmikið er það, að brot úr forritun DNA-sins sé það sem rýfur í sundur skráninguna á nafni Guðs í DNA-i mannsins!
BLEKKING OG FYRIRSLÁTTUR
Augljóslega krefst það, að smygla dauðaheimild inn í vel varið konungsherbergið (throne room), bæði blekkingar og fyrirsláttar. Enginn myndi heimila slíka innrás ef hún væri auglýst með sínu rétta innihaldi. Valdaránið er sett fram undir því yfirskini að verið sé að afhenda körfu með óskum um heilsu og hamingju. (Skaði að það skuli vera eitrað epli í henni!)
Í 18. kafla í Opinberunarbók[vii] er fjallað um þann áfellisdóm sem þeir sem framkvæma slíka blekkingu kalla yfir sig. Þegar þú lest þetta vers, mundu þá að þýðing á gríska orðinu Pharmakeia er „sorceries = galdrar“, en af því eru einnig dregin orðin „pharmacy = lyfjagerð, lyfjafræði; dispenser of medicine = lyfsali“: Opinberunarbók 18:23b Kaupmenn þínir voru höfðingjar jarðarinnar og allar þjóðir leiddust í villu af töfrum þínum.[viii]
Þetta eru því lyfjafræðilegar blekkingar sem notaðar eru til að afvegaleiða eða blinda augu allra þjóða. Í Síðara Þessaloníkubréfi er talað um „megna villu“ (ranghugmynd) svo að fólk trúi lyginni.[ix] Gríska orðið fyrir enska orðið delusion = á íslensku ranghugmynd, sjálfsblekking, hugarórar; á rót sína að rekja til orðs sem þýðir „svikari eða maður sem prangar svikinni vöru inn á fólk“ (skv. orðabók snara.is).
Hér er því aftur á ferð endurtekið þema blekkingar sem leiðir til tortímingar. Það kemur því ekki á óvart að orðið pharmakeia þýði einnig „witchcraft = galdrar, seiður“ og sé dregið af rót orðs sem þýðir „eiturlyf, eiturmorðingi“. Eitrinu er ætlað að valda dauða fórnarlambsins.
ORÐ Guðs segir okkur að lífið sé í blóðinu. Því er það engin tilviljun að aðskota-broddprótínið – sem mannslíkaminn er hvattur til að frameiða eftir að honum hefur verið rænt, hrindi af stað blóðtappamyndun; sem leitt getur til banvænna hjartaáfalla eða heilablóðfalla. Það er Satan sem sækist eftir því að stela, drepa og eyðileggja.
Jesús kom til að við gætum átt líf og það ríkulegt. Satan hefur alltaf þráð að fjarlægja ímynd Guðs og setja í staðinn sína eigin ímynd. (Opinberunarbók 14:9[x]). Hann ráðgerir að fjarlægja nafn Guðs og setja í stað þess sitt eigið nafn (Opinberunarbók 14:11[xi]). Spyrjið ykkur sjálf, hver annar myndi standa á bak við það að þurrka út nafn Guðs sem skráð er í DNA þitt?
VARÐVEITIÐ NAFN HANS
Kæru ástvinir! Guð segir mér að fólk hans sé að týna lífi vegna skilningsskorts. Margir trúarleiðtogar víða um heim eru að hvetja söfnuði sína til að taka tilboði lyfsalanna. Megi lömb Guðs vakna til vitundar og sjá hengiflugið áður en þau falla fram af því. Ég hvet ykkur til að vernda og halda hofi ykkar ávallt heilögu fyrir Drottinn. Leyfið ekki að brotist sé inn í það. Varðveitið Nafn Hans sem skráð er í bókrollu lífsins innra með ykkur og leitið hælis undir væng Hans. Hlaupið hvorki til Egyptalands né Babylon eftir hjálp.
Gerið allt sem þið getið til að styrkja hið guðdómlega mótaða ónæmiskerfi ykkar á sem náttúrulegastan máta og fallið ekki fyrir blekkingunni. Elskið sannleikann. Leitið sannleikans. Hættið því aldrei. Í Síðara Þessaloníkubréfi [xii] má lesa að það séu þeir sem trúi ekki sannleikanum, sem verða fórnarlömb þeirrar sterku blekkingar sem vefur sig um heiminn.
Lútið ekki í lægra haldi fyrir þeim sem kalla hið illa gott og eru með áform um að kollvarpa ykkar helga stað og gera hann innantóman. Þið munið gjalda fyrir það með lífi ykkar. Snúið ykkur frekar til Hans sem er Sannleikurinn, Lífið og Leiðin. Veljið líf sem þið og börn ykkar getið lifað!
Síðara Korintubréf 6:16[xiii] Hvernig getur musteri Guðs þolað skurðgoð? Við erum musteri lifanda Guðs eins og Guð hefur sagt: Ég mun búa meðal þeirra og dveljast hjá þeim
og ég mun vera Guð þeirra og þeir munu vera lýður minn. 6:17 Þess vegna segir Drottinn: Farið burt frá þeim og skiljið ykkur frá þeim. SNERTIÐ EKKI NEITT ÓHREINT og ég mun taka ykkur að mér 6:18 og ég mun vera ykkur faðir og þið munuð vera mér synir og dætur, segir Drottinn Alvaldur.
Hið óhreina – akathartos = saurugt, óhreint, djöfullegt“
——–
HÉR LÝKUR FYRSTA HLUTANUM AF ÞREMUR ÞAR SEM CHRISTINE BEADSWORTH fjallar um áhrif tilraunaefnanna á líkamann. Annan og þriðja hluta er að finna á vefsíðu hennar undir heitunum Divine Image Destroyed 2 og 3.
Nánar um Christine: Hún býr í Somerset West í Suður Afríku. Hún er fyrst og fremst ástríðufullur aðdáandi Jesú auk þess sem hún málar, sinnir garðverkum, skrifar ljóð og heldur fyrirlestra. Hún hefur skrifað frá því hún kunni að halda á blýanti, og frá árinu 2006 hefur hún birt greinar sem hún fær í gegnum Guðlegar leiðbeiningar á vefsíðunni https://freshoilreleases.co.za/ auk þess sem kirkjan er henni afar mikils virði.
Hún segir að það fylgi því mikil áskorun að hafa spádómssýn. Oft fái þeir skyggnu sviðsmyndir og skilaboð, um eitthvað sem virðast vera yfirvofandi, en nema því aðeins að Guð setji dagsetningu á skilaboðin, hafi þeir enga hugmynd um hvenær hlutirnir muni gerast. Guð sýndi Jesaja hinum mikla spámanni Hebrea og öðrum spámönnum Gamla Testamentisins ýmislegt sem enn hefur ekki gengið eftir, mörgum öldum eftir dauða þeirra.
Hennar einlæga ósk er að það sem hún deili sé sannleikanum samkvæmt, og að hún sé þjónn sem deilir út máltíðum á réttum tíma eins og segir í Matteusarguðspjalli: 24:5 Enginn vill láta færa sér morgunte, þegar það er kvöldverðartími. Hjálpaðu mér Jesú, að senda frá mér réttu fæðuna á réttum tíma og vera samstíga Anda Þínum.
Myndir: CanStockPhoto /SergayNivens /dencg / roxanabalint og af vefsíðu Moderna
Hlekkir á heimildir:
[i] https://freshoilreleases.co.za/about/
[ii] https://biblian.is/biblian/esterarbok-med-vidaukum-3-kafli/
[iii] https://biblian.is/biblian/salmarnir-139-kafli/
[iv] https://biblian.is/biblian/salmarnir-2-kafli/
[v] https://biblian.is/biblian/sidara-thessalonikubref-2-kafli/
[vi] https://www.blueletterbible.org/lexicon/g647/kjv/tr/0-1/
[vii] https://biblian.is/biblian/opinberunarbok-johannesar-18-kafli/
[viii] https://biblian.is/biblian/opinberunarbok-johannesar-18-kafli/
[ix] https://biblian.is/biblian/sidara-thessalonikubref-2-kafli
[x] https://biblian.is/biblian/opinberunarbok-johannesar-14-kafli/
[xi] https://biblian.is/biblian/opinberunarbok-johannesar-14-kafli/
[xii] https://biblian.is/biblian/sidara-thessalonikubref-2-kafli/
[xiii] https://biblian.is/biblian/sidara-korintubref-6-kafli/
Um höfund
- Guðrún Bergmann hefur í meira en 30 ár verið ötull talsmaður náttúrulegra leiða til að vernda og styrkja heilsu líkamans. Hún hefur skrifað 19 bækur og ótal greinar í innlend og erlend blöð og tímarit og heldur úti öflugri vefsíðu www.gudrunbergmann.is með miklu greinasafni.
Síðustu færslur
Alþingi Íslands17. febrúar, 2022UMSÖGN UM FRUMVARP TIL SÓTTVARNALAGA
Guðrún Bergmann7. janúar, 2022ATBURÐARÖÐ SEM SKÝRIR MARGT
GLÆPUR GEGN MANNKYNI30. desember, 2021Innsýn í árið 2022
Guðrún Bergmann8. nóvember, 202112 RÁÐ TIL AÐ VERJAST BRODDPRÓTÍNI
