Eru Endalok Faraldursins í Augsýn? - mittval.is

Eru Endalok Faraldursins í Augsýn?

maí 15, 2021 - 10:15 e.h.

CDC búið að ákveða að PCR próf fyrir bólusetta skuli að hámarki hafa 28 hringi [1]

Mjög skynsamlegt, því allt umfram 28 í “cycle threshold” (CT) býr til of mikið af fölskum pósitívum niðurstöðum eins og fjölmargar rannsóknir hafa sýnt. [2] CDC hefur þó ekki tilkynnt neinn staðal eða mörk hvað CT varðar í PCR prófum fyrir óbólusetta, þannig að það verður líklega áfram í 40-45 um sinn a.m.k. eða þangað til menn ákveða að nú skuli faraldurinn yfirstaðinn.

Sem sagt, CDC ætlar að lágmarka fjölda falskra pósitívra niðurstaðna þegar bólusettir eru mældir, en áfram á að hámarka þær þegar óbólusettir eru annars vegar og halda á áfram að prófa einkennalaust fólk, sem aldrei hefur verið gert áður í sögunni með þeim hætti sem nú er gert. Draga má þá ályktun að nú sé verið að undirbúa söguna um að tilraunabóluefnin hafi bjargað okkur út úr faraldrinum, þrátt fyrir að við vitum að þau koma ekki í veg fyrir smit eða smitun og koma jafnvel til með að hjálpa við að dreifa nýjum afbrigðum af veirunni, eins og nýleg ísrelsk rannsókn sýndi, þar sem bólusettir voru 8 sinnum líklegri til að smitast af s-afríska afbrigðinu en óbólusettir. [3] Ef að líkum lætur verða bólusettir með stafræna bólusetningapassann sinn á lofti næstu ofursmitararnir!

cdc

Hefði ég talað um stafrænan bólusetningapassa fyrir ári síðan hefði ég líklega verið úthrópaður sem samsæriskenningasmiður af trúuðum kóvitum. Í síðustu viku samþykkti Evrópusambandið innleiðingu slíks passa, “Digital Green Pass”, sem á að vera kominn í gagnið í öllum löndum sambandsins í næsta mánuði – eitthvað sem venjulega tæki nokkur ár í framkvæmd. Það verður sem sagt sett heimsmet í hraða á þróun og innleiðingu fjölþjóðlegs upplýsingatæknikerfis.

Ef við reynum að brúka örlítið af heilbrigðri skynsemi og látum það vera að trúa keyptum meginstraumsmiðlum og opinberum aðilum, skoðum þess í stað gögnin sem blasa við, þá er ljóst að búið er að vera undirbúa þessa útgáfu af kínverska “social credit” kerfi Evrópusambandsins í langan tíma á bak við tjöldin. Núna í skálkaskjóli kóvid á að nota tækifærið á meðan lýðurinn er lamaður af hræðslu við hinn ósýnilega óvin að innleiða það með ofurhraða. Eitthvað sem væri aldrei hægt undir venjulegum kringumstæðum vegna andstöðu almennings í flestum Evrópulöndum, sem virðist meðvitaðri um verðmæti frelsis og lýðræðis, og ógninni sem stafar af svona alræðistilburðum, heldur en fólk hér á Íslandi, sem þegir þunnu hljóði þegar Alþingi samþykkir lög sem heimila ríkinu “ísetningu áhalds eða framandi efnis í líkamann…” [5] sé minnsti grunur um smit og dómsmálaráðherra sem setur reglur án umræðu sem normaliserar bólusetningaskírteini.

Hægt er að finna gögn á vefum ESB langt aftur í tímann til að renna stoðum undir þessa kenningu mína og þann 12. september 2019, korter í faraldur, hélt Evrópusambandið ráðstefnu, Global Vaccination Summit [5], þar sem í panel voru m.a. fulltrúar frá Bill Gates, stjórnendur frá bóluefnaframleiðendum, WHO, Facebook og öðrum “usual suspects”. Þarna var m.a. rætt um að stóru lyfjafyrirtækin og stjórnvöld þyrftu að hrista sig betur saman hvað bólusetningar varðar, að koma í veg fyrir “rangar upplýsingar” um bólusetningar (ritskoðun) og að sjálfsögðu bólusetningaskírteini. Lobbýistar stóru lyfjafyrirtækjanna í Brussel eru greinilega að vinna vel fyrir laununum sínum.

Rúmum mánuði seinna voru sömu aðilar að mestu mættir á Event 201 hjá Johns Hopkins Bloomberg School of Public Health, fjármagnað af Bill Gates og World Economic Forum, þar sem ítarleg æfing fór fram um hvernig stjórna á heimsfaraldri. [4] Ætla ekki að fara lengra með þennan þráð enda þekkja flestir líklega framhaldið.

Í fyrstu málsgreininni hér að ofan ýjaði ég að því að með smá breytingum væri hægt að aflýsa faraldrinum. Með því að færa CT gildið í PCR prófum niður í 28 eins og CDC ætlar að gera þegar bólusettir eru prófaðir og hætta að prófa einkennalausa, yrði hrun í fjölda smitaðra. Það myndi líka hjálpa mikið ef Evrópusambandið og Bandaríkin myndu hætta að greiða spítölum og heilbrigðisfyrirtækjum sérstaka kóvid bónusa (í USA fá spítalar allt að $39.000 aukreitis fyrir kóvid sjúkling og t.d. á Spáni allt að €43.400 og €93 fyrir hvert PCR próf [7]). Stóra málið er kannski hvernig dauðsföllin eru skráð í Bandaríkjunum en CDC breytti reglunum um það 24. mars 2020, sérstaklega fyrir kóvid, augljóslega í þeim eina tilgangi að magna upp kóvid dánartölurnar.

Yfirgripsmikill rannsókn, sem unnin var af 10 vísindamönnum var birt í október sl. í vísindaritinu Science, Public Health Policy and the Law, undir titlinum “COVID-19 Data Collection, Comorbidity & Federal Law: A Historical Retrospective,”, leiðir í ljós að ef CDC hefði ekki breytt reglunum [ólöglega] sem gilt höfðu frá 2003, mætti deila með 16,7 í dánartölurnar, sem sagt í stað 592,410 eins og staðan er sögð í dag þá ættu með réttu að vera skráðir 35.474 eða töluvert minna en skráð er á flensu á hverju ári. Rannsóknin sem tók 42 mannmánuði, fór ekki aðeins í gegnum hefðbundið blint ritrýningarferli hjá vísindaritum heldur rýndu hana líka 9 lögfræðingar og einn dómari til stuðla að sem mestri nákvæmni. Ég ætla ekki nánar út í þessa rannsókn hér, mæli með að fólk lesi hana. [7]
Sem sagt, með nokkrum pennastrikum væri hægt að ljúka faraldrinum, hér og nú.

Heimildir:

Helgi Örn Viggósson.

facebookDeila til Facebook
TwitterDeila til Twitter